Kwent cheꞌn tu mbëkxiꞌl nguziwan
15
Rë men xaꞌ nikan dimi cheꞌn rey,
no rë men xaꞌ kwaꞌn nzhoꞌb xtiꞌzh más nzëꞌb xki lo Dios,
nguzubi bixaꞌ lo Jesús par gon bixaꞌ kwaꞌn kidiꞌzh Jesús.
San Lucas 15:1-10
―Lëꞌ xaꞌ reꞌ nichëꞌl kun rë men xaꞌ más nzëꞌb xki lo Dios,
mbaino nu nzhao xaꞌ kun rë men reꞌ.
3 Kuzeꞌ midiꞌzh Jesús kwent reꞌ lo bixaꞌ,
nzhab Me:
4 ―Chi nzho tu go kinu tu gayoꞌ mbëkxiꞌl,
no or ziwan tu ma,
¿chi nalaꞌt go dub tap gal nzho chiꞌn bitap ma reꞌ dan,
par yakwaꞌn go ma nguziwan reꞌ,
haxta ke yazhël go ma?
5 No or yazhël go ma,
nizak laxtoꞌ go,
yiꞌdnu go ma yën go;
6 no or zhin go lizh go,
kan go rë xaꞌ nichëꞌl go,
no rë xaꞌ nzho go gax kun lëꞌ,
no gab go lo bixaꞌ:
“Bizak laxtoꞌ go kuna;
porke lëꞌda ngwazhël la mbëkxiꞌl da ma nguziwan zeꞌ.”
7 Nin lo go,
seꞌska más nzho yalnizak laxtoꞌ lo yibëꞌ,
or nizi tu men xmod nak xaꞌ lo Dios,
par ban xaꞌ nela xmod nzhakla Dios,
ke por dub tap gal nzho chiꞌn bitap men xaꞌ nizi,
yent kwan nak,
nambe laxtoꞌ lo Dios.
Kwent cheꞌn tu dimi miziwan
8 ’Seꞌgaꞌ tu unaꞌ kwaꞌn kinu chiꞌ pes kwaꞌn plat,
no miziwan tube,
orzeꞌ,
¿chi nakëꞌt xaꞌ tu biani,
no loꞌb xaꞌ dub leꞌn yoꞌ,
par kwaꞌn xaꞌi nambe,
haxta ke yazhël xaꞌi?
9 No or yazhël xaꞌi,
kan xaꞌ rë xaꞌ nichëꞌl xaꞌ,
no rë xaꞌ nzho gax plo nzho xaꞌ,
gab xaꞌ:
“Bizak laxtoꞌ go kun na,
porke lëꞌda ngwazhël la dimi da,
kwaꞌn nguziwan zeꞌ.”
10 Nin lo go,
seꞌgaꞌ nizak laxtoꞌ rë ganj cheꞌn Dios,
or nizi tu men xmod nak xaꞌ lo Dios,
par ban xaꞌ nela xmod nzhakla Dios.
Kwent cheꞌn tu miyiꞌ nayiꞌlazh lo xuz
11 No nu midiꞌzh Jesús kwent reꞌ lo rë men,
nzhab Me:
―Nguio tu miyiꞌ,
kinu chop xgaꞌn,
San Lucas 15:11-32
12 miyiꞌ más win nzhab lo xuz:
“Lëꞌo Pa,
nzhaklan neꞌu kwaꞌn gal da.”
Orzeꞌ ndiꞌz xuz bimiyiꞌ kwaꞌn ñal kad bixaꞌ.
13 No xcheꞌp dispwés,
miyiꞌ win reꞌ,
mikan rë nak kwaꞌn nak cheꞌn,
orzeꞌ nzha xaꞌ zit xtu lazh men.
Zeꞌ mileꞌ xaꞌ gaxt rë nak cheꞌn xaꞌ lo rë kwaꞌn gat lëꞌ,
miban xaꞌ nela xmod nzhakla xaꞌ.
14 Or miloꞌx la xaꞌ rë cheꞌn xaꞌ,
no plo nzho xaꞌ nguio tu yalwin dox,
orzeꞌ nguzublo ngok jwalt kwaꞌn lo xaꞌ.
15 Orzeꞌ mikwaꞌn xaꞌ zhiꞌn lo tu men yezh zeꞌ,
xaꞌ zeꞌ mixëꞌl xaꞌ plo nax yuo cheꞌn xaꞌ reꞌ,
par zaꞌ xaꞌ kwaꞌn gao kuch.
16 No por tanta nilaꞌn xaꞌ,
nzhakla xaꞌ ngao xaꞌ kwaꞌn roꞌ kuch,
porke yent cho zaꞌ kwaꞌn gao xaꞌ.
17 Lult mileꞌ xaꞌ xigab:
“¡Dox nayax mos kinu xuza,
no di sobr nzho kwaꞌn gao bixaꞌ,
mbaino na,
gat da di yalwin reꞌ!
18 Neka lëꞌda yëk lo xuza,
gapa lo xaꞌ:
Payëꞌ,
milen kwaꞌn gat lëꞌ lo Dios mbaino lo go.
19 Nal gat ñalt roꞌlë da xgaꞌn go;
biwiꞌ go lon nela lo tu mos cheꞌn go.”
20 Orzeꞌ nguzen miyiꞌ nez,
ñëꞌd miyiꞌ par lo xuz miyiꞌ.
’No jwaltraꞌ di zhin miyiꞌ lo xuz miyiꞌ,
lëꞌ xaꞌ une la miyiꞌ.
Orzeꞌ milats laxtoꞌ xaꞌ miyiꞌ,
karre ngwachëꞌlo xaꞌ xgaꞌn xaꞌ,
ndeꞌx xaꞌ yën miyiꞌ,
no michiroꞌ xaꞌ taꞌ kwats miyiꞌ.
21 Orzeꞌ nzhab miyiꞌ lo xuz miyiꞌ:
“Payëꞌ,
milen kwaꞌn gat lëꞌ lo Dios,
mbaino lo go,
gat ñaltraꞌ da roꞌlë da xin go.”
22 Per nzhab xuz miyiꞌ lo rë mos xaꞌ nguziꞌ xaꞌ:
“Karre wakaꞌ go lar más kwaꞌn wen,
no bigak goi xgaꞌna reꞌ,
no ngulo go yani yaꞌ xaꞌ,
no bikëꞌ go kwaꞌn niꞌ xaꞌ,
23 no wakaꞌ go bicerr kwaꞌn más nachaꞌ,
no bit go ma par gao be,
no leꞌ be lani,
24 porke lëꞌ xgaꞌna reꞌ,
milen xigab ngut la xaꞌ,
no nal,
nguiubre xaꞌ naban xaꞌ;
miziwan xaꞌ,
per nal ngwazhël xaꞌ.”
Orzeꞌ mileꞌ bixaꞌ lani.
25 ’Per xgaꞌn galo xaꞌ reꞌ nzo dan,
no or ñëꞌd xaꞌ par lizh xaꞌ,
mbin xaꞌ kiyoꞌl musk,
no kiyolniꞌ men,
26 orzeꞌ ngurezh miyiꞌ reꞌ tu mos,
par minabdiꞌzh xaꞌ:
“¿Kwan kileꞌ rë men baꞌ?”
27 Orzeꞌ nzhab mos:
“Lëꞌ wechal miëk,
no lëꞌ xuzal mileꞌ mandad ngut bicerr más nachaꞌ,
porke lëꞌ wechal nguiubre wen,
mbaino yent kwaꞌn nizak xaꞌ.”
28 Per maska miyiꞌ reꞌ ngazak laxtoꞌ,
lëꞌla niyiꞌ miyiꞌ reꞌ,
net xaꞌ ngayo xaꞌ leꞌn yoꞌ.
Orzeꞌ nguroꞌ xuz miyiꞌ,
par mila xaꞌ yek miyiꞌ ngayo miyiꞌ leꞌn yoꞌ,
29 per nzhab miyiꞌ lo xuz miyiꞌ:
“Biwiꞌ,
pla liꞌn nzha nikën zhiꞌn lol,
no dubtaꞌ nzhona kwaꞌn nel,
no per ni tu chib yeꞌn gat neꞌl par ga̱u̱ kun rë xaꞌ nichëla,
30 per lëꞌ xgaꞌnal mbeeꞌ nguiubre reꞌ,
mileꞌ gaxt rë kwaꞌn mizaꞌl kaꞌ xaꞌ,
lo rë unaꞌ leꞌn kai (kwaꞌ gal),
¡no nal mileꞌl mandad,
ngut bicerr kwaꞌn más nachaꞌ!”
31 Orzeꞌ nzhab xuz miyiꞌ:
“Xgaꞌna,
lu dubtaꞌ nzol kun na;
no rë kwaꞌn kinun,
cheꞌnle.
32 Per nalreꞌ,
ñal ngok lani,
nizak laxtoꞌ be,
porke lëꞌ wechal reꞌ ngut,
per nguruban xaꞌ;
miziwan xaꞌ,
per nal,
ngwazhël xaꞌ.”