Jon empo Baptais yirengkle mi empo God
(Matyu 3.13-17; Mak 1.9-11)
3
Empo taim namo,
sa Sisar Taiberius waiye king 15pla kikla empo kantri Rom ka mokoi mingklari empo kantri Rom fai yuluye.
Ka nu uma namo,
re naine mew empo Sisar Taiberius ka nulune mokoi namo:
Pontius Pailat yuluye distrik Judia ka Herot sa fai yuluye distrik Galili.
Herot rani noula Filip wu sa fai yuluye distrik Ituria ka Trakonitis.
Laisenias wu sa fai yuluye Abilene.
2 Empo taim namo Anas yane Kaiafas naine hetprisa empo tempol.
Mela manro empo Sekaraia noula wunini Jon paiyi waiye koii maipon siwolenro empo uma fei nainene ka God yane wu mi.
3 Wu paiyi mokoi mingklari naine eklene nupi Jodan ka yoplo mi yukuleye nu pinuma ese as nensolo wolpuna noneni ka nem baptais,
ka God ese yuꞌpone nale fafaile noneni.
4 Ompla namo yemei yukaine mi wiye buk empo profet Aisaia:
“Mi mongkoma empo mana wongke yira wiye koii empo uma fei naine,
youw ka yire nanrona,
‘Pone pemplekuru rokoi empo Manawamo
yeye uporo nro.
5 Pimelwa koii ruwe mingklari
ka pakro moule alwola pitpitiri ka wamfafai panro.
Rokoi empo kulaklaiko sam paiyi ruꞌfu,
ka rokoi empo roma panripanro namo pone ese samo paku ka pangke sam paiyi aselwa ka nangkla aula.
6 Nanrona fane uma empo pike ese nulu ompla empo God yangkeye
ese yuꞌpu mone kore.’ ” b
7 Jon yirengkle nu pinuma mingklari empo nolonine fai wu ese baptaisim nu nanrona,
“Pone kongkom empo umele fafaile,
fina yire pone pulpaplo pupone ompla fafaile God ese yangke yemei mee?
8 Pone pangke ompla ese yuku pone samo pensona wolpuna poneni.
Ka pone ese fei wola nanrona,
‘Abraham wu sa alma flili moneni.’
Ki kirepi pone nanrona God ese yangke roma naimele ese nemei yukaine kongkom empo Abraham.
Nale poneni sa nemei yukaile ilo empo napale nale uporo.
9 Weki yeli ilo empo neline nomu namo,
la ilo empo fei napale nale uporo,
ilo namo nu ese nokolo pikare ka ningkirpanro niꞌpi yupole.”
10 Nu pinuma mingklari naline Jon nanrona,
“La mu ese mangke fika?”
11 Ka Jon yirengkle nu nanrona,
“Mana empo yuna amplapi plainrane,
wongke ese yane mana wongke empo amplapi onne.
Ka mana empo yuna ompla empo fai none wu re ese yangke nanrona.”
12 Nu uma fai nuꞌpu romaula empo gapman re noloni wu fai ese baptaisim nu.
Ka nu naline wu nanrona,
“Tikse,
la mu ese mangke ompla fika?”
13 Ka wu yirengkle nu nanrona,
“Pone ese pem romaula empo nu uma resuklu yukaine empo gapman yireye nro.”
14 Ka nu iimuma plai naline wu nanrona,
“La mu ese mangke ommo fika?”
Ka wu yirengkle nu nanrona,
“Pone ese fei kalpirepe nu uma ka peki puꞌpupe romaula empo nu.
Pone ese samo woluporope nro romaula empo gapman yapeye pone.”
15 Nu pinuma mingklari wamo naine noru nire nulu Krais.c
Nanrona fane nu nulu ompla namo,
ka nu sa wola nro nire nanrona,
“Jon sanro,
Krais wee?”
16 Jon yirengkle nu pinuma mingklari kore nanrona,
“Ki baptaisim pone mii siwolenro,
ka mana wongke ese yolowi wairu ki kelo wunini sa ese yumalo kelo kinini.
Ki seke mana uporo ese kangke ompla wunini yukaile nu uma nale siwolenro fai nangkene,
ki ese fei fingkikalo ka kingklame sandel wunini.
Wu ese baptaisim pone Holi Spirit ka niꞌpi.
17 Wu yuna sawol waiye mew woneni ese yensyensona wit ka yuꞌpu nale yenru naine mow monre woneni.
Ka ulawa empo wit wu ese yenru niꞌpi fai waiye nanrona ka ese fei rokole.”
18 Jon yoplongkle nu mi mingklari plai kore ese yereryali wolpuna nunini.
Wu yangke nanrona ka wu yirengkle miuporo empo God paiyi nu pinuma.
Herot yina Jon pari waiye kalabus
19 Ka empo taim namo,
Jon yenre Herot,
mana empo fai paiyi risiye gapman empo none,
empo ompla fafaile isi wu yangkeye.
Wu yem Herodias,
wone rani puli,
ka yangke ommo wongkwongkeni samo fafaile.
20 Herot yangke ompla wongke fafaile kore,
wu yina Jon pari waiye kalabus.
Jon baptaisim Jisas
(Matyu 3.13-17; Mak 1.9-11)
21 Empo pinuma mingklari nemne baptais,
Jisas re yem baptais.
Empo wu yesapuye,
nemi fleingkyane.
22 Ka Holi Spirit yolo wu yukaine rora ufu.
Empo taim namo mi wongke yolo nemi nanrona,
“Yene Auna kinini,
ki samo wolayapa yene ka aiyem yene wamo.”
Nu oli oikenra empo Jisas
(Matyu 1.1-17)
23 Jisas,
kikla empo wu sa yukaine 30pla,
ka wu yangke ompla woneni.
Nu pinuma wola nire Jisas sanro Josep auna.
Ka Josep sa nangka Heli.
24 Ka Heli sa nangka Matat,
ka Matat sa nangka Livai,
ka Livai sa nangka Melki,
ka Melki sa nangka Janai.
Janai sa nangka Josep.
25 Josep sa nangka Matatias,
ka Matatias sa nangka Amos,
ka Amos sa nangka Nahum,
ka Nahum sa nangka Esli,
ka Esli sa nangka Nagai.
26 Ka Nagai sa nangka Mat,
ka Mat sa nangka Matatias,
ka Matatias sa nangka Semen,
ka Semen sa nangka Josek,
ka Josek sa nangka Joda.
27 Ka Joda sa nangka Joanan,
ka Joanan sa nangka Resa,
ka Resa sa nangka Serubabel,
ka Serubabel sa nangka Sealtiel,
ka Sealtiel sa nangka Neri.
28 Ka Neri sa nangka Melki,
ka Melki sa nangka Adi,
ka Adi sa nangka Kosam,
ka Kosam sa nangka Elmadam,
ka Elmadam sa nangka Er.
29 Ka Er sa nangka Josua,
ka Josua sa nangka Elieser,
ka Elieser sa nangka Jorim,
ka Jorim sa nangka Matat,
Matat sa nangka Livai.
30 Ka Livai sa nangka Simeon,
ka Simeon sa nangka Juda,
ka Juda sa nangka Josep,
ka Josep sa nangka Jonam,
ka Jonam sa nangka Eliakim.
31 Ka Eliakim sa nangka Melea,
ka Melea sa nangka Mena,
ka Mena sa nangka Matata,
ka Matata sa nangka Natan,
ka Natan sa nangka Devit.
32 Ka Devit sa nangka Jesi,
ka Jesi sa nangka Obet,
ka Obet sa nangka Boas,
ka Boas sa nangka Salmon,
ka Salmon sa nangka Nason.
33 Ka Nason sa nangka Aminadap,
ka Aminadap sa nangka Atmin,
ka Atmin sa nangka Arni,
ka Arni sa nangka Hesron,
ka Hesron sa nangka Peres,
ka Peres sa nangka Juda.
34 Ka Juda sa nangka Jekop,
ka Jekop sa nangka Aisak,
ka Aisak sa nangka Abraham,
ka Abraham sa nangka Tera,
ka Tera sa nangka Nahor.
35 Ka Nahor sa nangka Seruk,
ka Seruk sa nangka Reu,
ka Reu sa nangka Pelek,
ka Pelek sa nangka Eber,
ka Eber sa nangka Sela.
36 Ka Sela sa nangka Kainan,
ka Kainan sa nangka Arpaksat,
ka Arpaksat sa nangka Siem,
ka Siem sa nangka Noa,
ka Noa sa nangka Lamek.