Mi emen wiye Buk Mak sa yire nanrona, “Mee sa Miuporo empo Jisas Krais, Auna empo God.” Empo buk mee, mone namale nanrona Jisas sa mana fai yuna noula ka kelo fai yangke ommo wongkwongkeni. Mone mulu noula ka kelo wunini empo wu yukuleye nu pinuma ka empo wu fai yuꞌpoleye opola fafaile ka yuꞌpoleye nale fafaile empo nu pinuma. Jisas fai youw wone kore nanrona, “Auna Empo Mana,” ka wu yire nanrona wu yolowi fai yane laip woneni ese yuꞌpu kore pinuma mingklari (10.45).

Mak yoplo mi mingklari ommo empo Jisas yangkeye. Ka wu fei yoplo mi mingklari mi empo Jisas isi yangkeye empo wu yukuleye nu pinuma. Emen sa Mak yoplo mi empo ommo empo Jon Baptais ka mi empo Jisas yem baptais ka Satan yengkaliye wu. Kingke mone namale nanrona Jisas fai wolpaloye nu uma empo nungkamne eni wongkwongkeni, ka wu fai yukuleye nu. Emen nu disaipol fei samo namale nomu empo ommo Jisas fai yangkeye. Ka yemei aflo aflo paiyi se sema nu namale ommo empo Jisas fai yangkeye.

Mone re namale nanrona nu uma nemei iim uma empo Jisas ka nu nane eni mingklari wu. Ka pekimo empo Miuporo Mak yeꞌre namo, Mak yoplo mi empo Jisas ri ka yemei kore.