Matthew Ketaan Kre
Yesu Kristo Sele Nɔɔ Leele
1
Yesu Kristo, David na Abraham nana wre, u sele nɔɔ leele lɛ kre.
2 Abraham wra Isaac se,
a Isaac na Jacob se,
a Jacob na Judah, na u chinlɛ se.
3 Judah na Tamar wru,
a pra Perez, na Zerah se,
a Perez na Hezron se,
a Hezron na Ram se.
4 A Ram na Amminadab se,
a Amminadab na Nahshon se,
a Nahshon na Salmon se.
5 Salmon chɔ na wi Rahab, a pre na Boaz se,
a Boaz na u chɔ Ruth na Obed se,
a Obed na Jesse se.
6 A Jesse na ŋunu David se.
A ŋunu David na ŋunu Solomon se Uriah lekuchɔ wre na.
7 A Solomon na Rehoboam se,
a Rehoboam na Abijah se,
a Abijah na Asa se.
8 A Asa na Jehoshaphat se,
a Jehoshaphat na Jehoram se,
a Jehoram na Uzziah se.
9 A Uzziah na Jotham se,
a Jotham na Ahaz se,
a Ahaz na Hezekiah se.
10 A Hezekiah na Manasseh se,
a Manasseh na Amon se,
a Amon na Josiah se.
11 A Josiah na Jeconiah na u chinlɛ se.
Nyjila ŋga nu pra Israel leele yii mna sɛ Babylon tra nu kre.
12 Ŋga pra pe yii mna sɛ Babylon na kre kɔkro kre,
Jeconiah na Shealtiel se,
a Shealtiel na Zerubbabel se.
13 A Zerubbabel na Abiud se,
a Abiud na Eliakim se,
a Eliakim na Azor se.
14 A Azor na Zadok se,
a Zadok na Achim se,
a Achim na Eliud se.
15 A Eliud na Eleazar se,
a Eleazar na Matthan se,
a Matthan na Jacob se.
16 A Jacob na Joseph se.
Joseph chɔ na wi Mary, a wre wra Yesu ŋmba pe yeeri Kristo wre se.
17 Kena mu yire Abraham na, mu pan mu su ŋunu David na kre, pe sele nɔɛ yire kro pe sele kɛmbɔjijirɛ, a mu yire David na mu hɛ su nyjila ŋga nu pra Israel leele yii mu sɛ Babylon tra nu kre, yiree sele kɛmbɔjijirɛ, a mu yire ŋga praa wa mu tni Babylon na mu pan ma su Kristo ŋmba Nyiɛkpɔɔ na wɔ wre na kre, yire naa sele kɛmbɔjijirɛ na.
Yesu Semu
18 Imi na Yesu Kristo semu na nyi yi kre. Pra u lo Mary wru mna Joseph ŋga mbe u u leŋge. Ŋga pe n na ta mu fni kre, pra nya na Mary siire ta, mu yire Kpra Ŋumu wre na.
19 U plɔ Joseph, ŋmba pra u wru mu ŋga mbe u u leŋge wre, na pe lewo ŋmba u fraka, a u nsraa chaa mbe nyifɛɛrɛ Mary gbo lenɛɛrɛ yiɛ na. Ki tia wra u jawala pe na we u je brɛmm.
20 Ŋga kre kee ŋga na pan Joseph ndra kre, nyjeeri bituŋu wa na uyɛ wɔ mu Joseph nyina ŋunɛ nu, mna yo u pan mbo, “Joseph, David nana, maa fiɛ na mu Mary wru mbe leŋge, ti mbe u pe mu chɔ. Ŋgi na hin? Siire ŋga u ta kre, Kpra Ŋumu wre na u yire mu ki ta.
21 We biblɔ se, mbe mu u mɛɛ tɛɛ Yesu. Ki nyina na, wre we u leele shɔ mbe yili pe sisam nu.”
22 Yire kee nyjɛ yie pe mbe ti o Tafun kee nyjɛ u yire u kee nyanyofun na mu yo kre, mbe yi pe kpra.
23 Mbo, “E le, bichable ŋmba u n blɔ chin tun wre we siire ta,
mbe biblɔ se, mbe pe u mɛɛ tɛɛ, ‘Immanuel.’
Ki nyina na, ‘Wre na Nyiɛkpɔɔ oo wa titɛɛ.’”a