Judah Ŋunu Jotham
27
Ŋga pra Jotham tɛɛ jɔɔn na kre, na u li yɛlɛ fulo na kunɔ, a wra jɔɔn kre li mu tni Jerusalem na yɛlɛ kɛmbɔkɔɔnanu. U lo na wi Zadok bichlɔ ŋmba praa yeeri Jerusha wre. 2 Wra kee ŋga kra fraka pe o Tafun Nyiɛkpɔɔ wre yiɛ, imi na u lɛ Uzziah na nyi kre, la, u nsra le Suminyuŋgo wa mna tuwe ndiom tɛɛn sro imi na u lɛ na pe kre. A kre nyjila kre Judah leele pre naa sisaa pini Nyiɛkpɔɔ wre na.3 Jotham na o Tafun Nyiɛkpɔɔ Suminyuŋgo kre nyjeeri haa jlonwee kre gbeele mu sin, mna tnumu kpɔɔ tun mboo ŋga pra sin na shie Ophel nyambie kre haa kre na. 4 Wra chiɛ sin sin Judah nyuɛ yire na, mna mboe sin mu yi fɛ mu kun, mna nyinyi gedenyi sin klɔ lawee yire nu. 5 Jotham na ŋunɔ kun na Ammon ŋunu na u wifɛɛnlɛ ni mna pe ja. Wra tia Ammon leele pre naa paan na tɔɔ toni na u kaan jaŋga na yɛlɛ nyini ma yɛlɛ taarɛ. Yirɛ nyjɛ ni praa paan na yi swafiŋge tons jijirɛ, na shɔlɔ taa kpɔɔ kagbenyi kɔɔnanu, na yua nyjɛ ni praa paanu mimi pini taa kpɔɔ kagbenyi kɔɔnanu.
6 Ŋunu Jotham na jaŋga ta, ŋgi na hin? Wra li o Tafun Nyiɛkpɔɔ wre kee na. 7 Kee nyjɛ Ŋunu Jotham na pe u nyjila, na ŋunɛ nyjɛ wra wi, na kee nyjɛ wra pe yire kro, pe yi nyunɔ mu le hlɛ ŋga nu pra Judah, na Israel ŋulo fakee nyunɔ mu le kre nu. 8 Ŋga wra jɔɔn li kre, na u li yɛlɛ fulo na kunɔ, mna jɔɔn kre li mu tni Jerusalem na yɛlɛ kɛmbɔkɔɔnanu. 9 Ŋunu Jotham na ku mna u tolɛɛlɛ kɔŋgɔ ni, a pra u le Ŋunu David kakpɔɔ kre na Jerusalem na, a u biblɔ Ahaz na u krɔ li.