3 Haꞌ ebꞌnaj iswiꞌehal ej konhobꞌ, ehayo ebꞌnaj bꞌey Jerusalén, yajaꞌ wal yulajla ismajul Judá xin to hunun ebꞌnaj sat istxꞌotxꞌ yebꞌ yulajla iskonhobꞌ, haꞌ ton hunteqꞌanxa ebꞌnaj Israel, yebꞌ ebꞌyaꞌ sacerdote, yebꞌ ebꞌnaj levita, yebꞌ ebꞌnaj chimunla yul Yatut Komam Dios, yebꞌ ebꞌnaj iskꞌahol ischejabꞌ yaꞌ Salomón.

4 Haꞌ bꞌey konhobꞌ Jerusalén kankano haywanh ebꞌnaj titna yinh yikꞌal yaꞌ Judá yebꞌ ebꞌnaj titna yinh yuninal yaꞌ Benjamín.

Haꞌ ebꞌnaj titna yinh yaꞌ Judá, haꞌ ebꞌnaj tiꞌ: naj Ataías iskꞌahol naj Uzías, haxa naj Uzías iskꞌahol yaꞌ Zacarías, haxa yaꞌ Zacarías iskꞌahol naj Amarías, haxa naj Amarías, iskꞌahol naj Sefatías, haxa naj Sefatías, iskꞌahol naj Mahalaleel, haꞌ naj Mahalaleel tiꞌ xin, yikꞌal naj Fares ye naj. 5 Haxa ebꞌnaj titna yinh yuninal naj Siloni haꞌ ebꞌnaj tiꞌ: naj Maasías, iskꞌahol naj Baruc, haxa naj Baruc iskꞌahol naj Colhoze, haxa naj Colhoze iskꞌahol naj Hazaías, haxa naj Hazaías iskꞌahol naj Adaías, haxa naj Adaías iskꞌahol yaꞌ Joiarib, haxa yaꞌ Joiarib iskꞌahol yaꞌ Zacarías, haxa yaꞌ Zacarías iskꞌahol naj Siloni. 6 Sunil ebꞌnaj titna yinh yuninal naj Fares ehayo bꞌey konhobꞌ Jerusalén, 468 yinh sunil, ebꞌnaj tuꞌ kaw ay yip, kaw kꞌul yinh howal.

7 Haxa ebꞌnaj yikꞌal yaꞌ Benjamín, haꞌ ebꞌnaj tiꞌ: naj Salú iskꞌahol naj Mesulam, haxa naj Mesulam iskꞌahol naj Joed, haxa naj Joed iskꞌahol naj Pedaías ye naj, haxa naj Pedaías iskꞌahol naj Colaías, haxa naj Colaías iskꞌahol naj Maasías, haxa naj Maasías iskꞌahol naj Itiel, haxa naj Itiel iskꞌahol naj Jesaías. 8 Ebꞌnaj tzujan yintajilo ebꞌnaj tuꞌ, naj Gebai yebꞌ naj Salai; 928 isbꞌisil ebꞌnaj yinh sunil. 9 Haxa naj iswiꞌehal ebꞌnaj tuꞌ haꞌ ton naj Joel iskꞌahol naj Zicri, haxa naj Judá iskꞌahol naj Senúa, iskabꞌ iswiꞌehal yeko naj yul konhobꞌ.

10 Haxa ebꞌyaꞌ sacerdote haꞌ ebꞌyaꞌ tiꞌ: yaꞌ Jedaías iskꞌahol yaꞌ Joiarib, yaꞌ Jaquín, 11 yaꞌ Seraías, iskꞌahol yaꞌ Hilcías, haxa yaꞌ Hilcías, iskꞌahol yaꞌ Mesulam, haxa yaꞌ Mesulam iskꞌahol yaꞌ Sadoc, haxa yaꞌ Sadoc iskꞌahol yaꞌ Meraiot, haxa yaꞌ Meraiot iskꞌahol yaꞌ Ahitob, haꞌ yaꞌ tuꞌ yahawil yeko yaꞌ yinh ebꞌyaꞌ chitanhen Yatut Komam Dios. 12 Haꞌ ebꞌyaꞌ tuꞌ yebꞌ hunteqꞌanxa ebꞌyaꞌ sacerdote chimunla yul Yatut Komam Dios, 822 isbꞌisil ebꞌyaꞌ. Iskanpaxo naj Adaías, iskꞌahol naj Jeroham, naj Jeroham iskꞌahol naj Pelalías, naj Pelalías iskꞌahol naj Amsi, naj Amsi iskꞌahol yaꞌ Zacarías, yaꞌ Zacarías iskꞌahol naj Pasur, naj Pasur iskꞌahol naj Malquías. 13 Haꞌ naj Adaías tuꞌ yebꞌ ebꞌyaꞌ sacerdote yahawil xol yuxhtaj, 242 isbꞌisil ebꞌnaj. Iskanpaxo yaꞌ Amasai iskꞌahol naj Azareel, naj Azareel iskꞌahol naj Azai, naj Azai iskꞌahol naj Mesilemot, naj Mesilemot iskꞌahol naj Imer. 14 Yaꞌ Amasai tuꞌ yebꞌ yet sacerdotehal, 128 ebꞌyaꞌ, ebꞌyaꞌ tuꞌ winaj kaw ay yip. Haꞌ xin yaꞌ Zabdiel, iskꞌahol yaꞌ Gedolim iswiꞌehal yeko yinh ebꞌyaꞌ.

15 Haxa ebꞌnaj levita haꞌ ebꞌnaj tiꞌ: Naj Semaías iskꞌahol naj Hasub, naj Hasub iskꞌahol naj Azricam, naj Azricam iskꞌahol naj Hasabías, naj Hasabías iskꞌahol naj Buni. 16 Haꞌ naj Sabetai yebꞌ naj Jozabad haꞌ ebꞌnaj ayko iswiꞌehalo xol ebꞌnaj levita tuꞌ yebꞌ xin haꞌ ebꞌnaj ayko yilomalo munil chiwatxꞌi yinhla Yatut Komam Dios. 17 Haxa naj Matanías iskꞌahol naj Micaía titna yinh naj Zabdi, yuninal yaꞌ Asaf haꞌ naj ayko ijbꞌalomalo xol ebꞌnaj chibꞌitni yebꞌ ebꞌnaj chiꞌaqꞌni yuchꞌandios tet Komam yul yatut yet chiꞌok txah. Haxa naj Bacbuquías, haꞌ naj ayko iskabꞌ ijbꞌalomal xol yet levitahil tuꞌ, yebꞌpaxo naj Abda iskꞌahol naj Samúa, titna yinh naj Galal, naj Jedutún. 18 Haꞌ isbꞌisil sunil ebꞌnaj levita kankano yul konhobꞌ yet Komam Dios yehi, 284 isbꞌisil ebꞌnaj.

19 Haxa ebꞌnaj tanhem pulta naj Acub, yebꞌ naj Talmón yebꞌ yikꞌal, 122 ebꞌnaj.

20 Wal yaqꞌbꞌilxa konhobꞌ Israel yebꞌ yaqꞌbꞌilxa ebꞌyaꞌ sacerdote yebꞌ yaqꞌbꞌilxa ebꞌnaj levita kankano ebꞌnaj yulajla konhobꞌ ay yul Judá, kankano hunun ebꞌnaj yul iskonhobꞌ sat istxꞌotxꞌ.

21 Ebꞌnaj chimunla yul Yatut Komam Dios kankano ebꞌnaj bꞌey Ofel. Haꞌ xin naj Ziha yebꞌ naj Gispa ayko yahawilo ebꞌnaj chimunla bꞌey Yatut Komam tuꞌ. 22 Haꞌ naj ayko iswiꞌehalo xol ebꞌnaj levita kankano bꞌey Jerusalén, haꞌ ton naj Uzi iskꞌahol naj Bani, naj Bani iskꞌahol naj Hasabías ye naj, naj Hasabías iskꞌahol naj Matanías ye naj, naj Matanías iskꞌahol naj Micaía ye naj, ebꞌnaj tuꞌ titna yinh iskꞌahol yaꞌ Asaf. Haꞌ ebꞌnaj tuꞌ chiꞌijbꞌan bꞌit yul Yatut Komam Dios. 23 Haꞌ xin yaꞌ rey David halnikano yinh tzet chu yok hunun majan ebꞌnaj chibꞌitni tuꞌ yinh ismunil yinh istxolal hunun tzꞌayik.

24 Haꞌ xin naj Petaías iskꞌahol yaꞌ Mesezabeel titna yinh yaꞌ Zera iskꞌahol yaꞌ Judá, haꞌ chiꞌok tzotelo sata naj rey Persa, yinh tzijxanhe tzet ye tuꞌ xol anma.^a

25 Iskanpaxkano ebꞌnaj Judá yulajla aldea yebꞌ satla istxꞌotxꞌ. Ay ebꞌnaj kankano bꞌey Quiriat-arba yebꞌ yaldeahil, bꞌey Dibón yebꞌ yaldeahil, bꞌey Jecabseel yebꞌ yaldeahil, 26 bꞌey Jesúa, bꞌey Molada, yebꞌ bꞌey Bet-pelet, 27 bꞌey Hazar-sual, bꞌey Beerseba yebꞌ yaldeahil, 28 bꞌey Siclag, bꞌey Mecona yebꞌ yaldeahil, 29 bꞌey En-rimón, bꞌey Zora, bꞌey Jarmut, 30 bꞌey Zanoa, bꞌey Adulam yebꞌ yaldeahil, bꞌey Laquis yebꞌ istxꞌotxꞌ bꞌay chimunla ebꞌnaj, bꞌey Azeca yebꞌ yaldeahil. Ehayo ebꞌnaj yulajla konhobꞌ chitaichiti bꞌey Beerseba masanta akꞌal Hinom.

31 Haxa ebꞌnaj titna yinh yaꞌ Benjamín ehayo ebꞌnaj bꞌey Geba, bꞌey Micmas, bꞌey Aía, bꞌey Bet-el yebꞌ yaldeahil. 32 Bꞌey Anatot, bꞌey Nob, bꞌey Ananías, 33 bꞌey Azor, bꞌey Ramá, bꞌey Gitaim, 34 bꞌey Hadid, bꞌey Seboim, bꞌey Nebalat, 35 bꞌey Lod yebꞌ bꞌey Ono, akꞌal bꞌay ay ebꞌnaj tzehom chꞌen.

36 Aypaxo ebꞌnaj levita kankano xol ebꞌnaj Judá yebꞌ xol ebꞌnaj Benjamín.