Haꞌ anma Judá ilaxto bꞌey Babilonia yu ismanhkꞌomal tet Komam Dios. 2 Haꞌ ebꞌnaj bꞌabꞌel meltzoti bꞌey Babilonia yapni sat istxꞌotxꞌ yebꞌ yul iskonhobꞌ haꞌ ton ebꞌnaj Israel, ebꞌyaꞌ sacerdote, ebꞌnaj levita yebꞌ ebꞌnaj chimunla yul Yatut Komam Dios.

3 Ebꞌnaj ehayo yul konhobꞌ Jerusalén haꞌ ton ebꞌnaj yuninal yaꞌ Judá, yaꞌ Benjamín, yaꞌ Efraín yebꞌ yuninal titna yinh yaꞌ Manasés. 4 Naj Utai, iskꞌahol naj Amiud, iskꞌahol naj Omri, iskꞌahol naj Imri, iskꞌahol naj Bani, haꞌ ebꞌnaj tuꞌ yuninal naj Fares, iskꞌahol yaꞌ Judá. 5 Aypaxo ebꞌnaj silonita: haꞌ ton naj Asaías, naj bꞌabꞌel winaj, yebꞌ ebꞌnaj iskꞌahol naj. 6 Aypaxo ebꞌnaj iskꞌahol naj Zera: Naj Jeuel yebꞌ ebꞌnaj yuxhta ebꞌnaj, 690 isbꞌisil ebꞌnaj titna yinh yaꞌ Judá.

7 Ismeltzopaxti ebꞌnaj iskꞌahol yaꞌ Benjamín, haꞌ ton naj Salú, iskꞌahol naj Mesulam, iskꞌahol naj Hodavías, iskꞌahol naj Asenúa. 8 Ismeltzopaxti naj Ibneías, iskꞌahol naj Jeroham; naj Ela, iskꞌahol naj Uzi, iskꞌahol naj Micri, yebꞌ naj Mesulam, iskꞌahol naj Sefatías, iskꞌahol naj Reuel, iskꞌahol naj Ibnías. 9 Ebꞌnaj tuꞌ, 956 isbꞌisil ebꞌnaj, haꞌ xin ebꞌnaj tuꞌ yahaw yinh hunun majan yikꞌal.

10 Haxa ebꞌyaꞌ sacerdote meltzohi, haꞌ ebꞌyaꞌ tiꞌ: Yaꞌ Jedaías, yaꞌ Joiarib, yaꞌ Jaquín, 11 yebꞌ yaꞌ Azarías iskꞌahol yaꞌ Hilcías, iskꞌahol yaꞌ Mesulam, iskꞌahol yaꞌ Sadoc, iskꞌahol yaꞌ Meraiot, iskꞌahol yaꞌ Ahitob. Yaꞌ Azarías tuꞌ yahawil yaꞌ yinh ebꞌnaj chimunla yul Yatut Komam Dios. 12 Ismeltzopaxti naj Adaía, iskꞌahol naj Jeroham, iskꞌahol naj Pasur, iskꞌahol naj Malquías, yebꞌ naj Masai iskꞌahol naj Adiel, iskꞌahol naj Jazera, iskꞌahol naj Mesulam, iskꞌahol naj Mesilemit, iskꞌahol naj Imer. 13 Haꞌ sunil ebꞌnaj tuꞌ, 1,760 isbꞌisil ebꞌnaj, haꞌ ebꞌnaj xin ok yahawil yinh hunun majan yikꞌal, ebꞌnaj tuꞌ kaw helan ebꞌnaj yinh munil yul Yatut Komam Dios.

14 Haꞌ ebꞌnaj meltzopaxti xol ebꞌnaj levita haꞌ ebꞌnaj tiꞌ: Naj Semaías, iskꞌahol naj Hasub, iskꞌahol naj Azricam, iskꞌahol naj Hasabías, haꞌ ebꞌnaj tuꞌ titna yinh naj Merari. 15 Naj Bacbacar, naj Heres, naj Galal, naj Matanías, iskꞌahol naj Micaía, iskꞌahol naj Zicri, iskꞌahol naj Asaf. 16 Naj Obadías, iskꞌahol naj Semaías, iskꞌahol naj Galal, iskꞌahol naj Jedutún, yebꞌ naj Berequías, iskꞌahol naj Asa, iskꞌahol naj Elcana, naj tuꞌ ehayo naj yulaj yaldeahil ebꞌnaj netofatita.

17 Ebꞌnaj tanhem pulta haꞌ ton ebꞌnaj tiꞌ: Naj Salum, naj Acub, naj Talmón, naj Ahimán yebꞌ ebꞌnaj yuxhta ebꞌnaj. Naj Salum, haꞌ naj yahawil xol ebꞌnaj tuꞌ. 18 Masanto tinanh chito tanhelax ispultahil ebꞌyaꞌ rey ayko yinh yetkꞌulal bꞌay chito tzꞌayik. Haꞌ ebꞌnaj tuꞌ, yikꞌal yaꞌ Leví, chitanhen pulta. 19 Naj Salum iskꞌahol naj Coré, iskꞌahol naj Ebiasaf, iskꞌahol naj Coré, yebꞌ hunteqꞌanxa yuxhtaj, haꞌ ton ebꞌnaj coreíta, haꞌ ebꞌnaj tuꞌ chitanhen istiꞌ ispultahil Yatut Komam Jahawil, hakaꞌ yu istanhen yichmam ebꞌnaj istiꞌ isTabernáculo Komam yet payat. 20 Hayet payat tuꞌ, haꞌ yaꞌ Finees iskꞌahol yaꞌ Eleazar, ayko yahawilo ebꞌnaj, ayko xin Komam Jahawil yetbꞌiho yaꞌ.

21 Haxa naj Zacarías iskꞌahol naj Maselemías chitanhen istiꞌ isTabernáculo Komam bꞌay chiskutxbꞌa isbꞌa konhobꞌ Israel yebꞌ Komam Jahawil.

22 Sunil ebꞌnaj saylaxiko yu istanhen istiꞌ isTabernáculo Komam, 212 isbꞌisil ebꞌnaj yinh sunil yet isbꞌislax ebꞌnaj yinh istxolal yinh ikꞌale yul hunun konhobꞌla bꞌay ay ebꞌnaj. Haꞌ xin yaꞌ rey David yebꞌ yaꞌ Samuel, ischejabꞌ Komam Dios, anheko ebꞌnaj tuꞌ yinh ismunil. 23 Haꞌ xin ebꞌnaj yebꞌ iskꞌahol ok tanheno istiꞌ Yatut Komam Jahawil yinh istxolal, haꞌ ton isTabernáculo Komam. 24 Ayko istanhemal Yatut Komam tuꞌ yinh iskanhebꞌal iskꞌul, ayko istanhemal yinh yetkꞌulal bꞌay chiꞌahilo tzꞌayik, yebꞌ bꞌay chito tzꞌayik yebꞌ xin yinh yetkꞌulal norte yebꞌ sur. 25 Haxa ebꞌnaj yetbꞌi ebꞌnaj ay yulaj yaldeahil, chꞌapni ebꞌnaj kolwal yinh istanhen Yatut Komam Dios hatatikꞌa yeko ebꞌnaj yinh istxolal yinh hujuta tzꞌayik. 26 Ay xin kanhwanh ebꞌnaj levita tuꞌ iswiꞌehal yehi, haꞌ xin ebꞌnaj chiꞌilni hunteqꞌan cuarto yebꞌ bꞌay ay isqꞌalomal Yatut Komam Dios. 27 Ebꞌnaj tuꞌ chikankano ebꞌnaj yinhla ishoyanil Yatut Komam Dios yu istanhen ebꞌnaj Yatut Komam, yebꞌ yu ishajni ebꞌnaj ispultahil Yatut Komam hunun sakꞌayal. 28 Ay ebꞌnaj xol ebꞌnaj tuꞌ chitanhen munlabꞌal chiꞌokniko yul Yatut Komam, haꞌ ebꞌnaj tuꞌ chiꞌinilti munlabꞌal, yaj chisbꞌis ebꞌnaj, hayet chilahwi yokniko xin, chisbꞌisnipaxo ebꞌnaj kat iskꞌubꞌankantoj. 29 Nan xin ebꞌnaj ayko yilomalo xi yebꞌ hunteqꞌanxa munlabꞌal kaw ay yelapno chiꞌokniko yul Yatut Komam Dios, haꞌtikꞌa ebꞌnaj tuꞌ xin chiꞌilnipaxo ixim harina, vino, teꞌ aceite, teꞌ pom yebꞌ anh kaw xuqꞌ sam. 30 Ay xin ebꞌnaj iskꞌahol ebꞌyaꞌ sacerdote tuꞌ chiwatxꞌen anh kaw xuqꞌ sam. 31 Haꞌ xin naj levita chiyij Matatías isbꞌabꞌel kꞌahol naj Salum titna yinh ebꞌnaj coreíta, haꞌ naj chiwatxꞌen yul xhaltin tzet chihaltelax yinh xahanbꞌalil.^a 32 Ay xin hunteqꞌan ebꞌnaj yet levitahil ebꞌnaj titna yinh naj Coat ay ismunil iswatxꞌen ixim pan chiꞌalaxayo yinh istxolal yul Yatut Komam Dios yinh hunun sábado, haꞌ xin tzꞌayik xewilal. 33 Aypaxo ebꞌnaj yahawil ye xol ebꞌnaj yikꞌal ebꞌnaj levita chibꞌitni, chikankano ebꞌnaj yul iscuartohal Yatut Komam Dios, machi xin chiꞌalaxiko ebꞌnaj yinh hunuxa munil, yuto ayko ebꞌnaj yinh ismunil tuꞌ tzꞌayik aqꞌbꞌal.

34 Haꞌ ton ebꞌnaj chibꞌina tiꞌ yahaw ye xol sunil ebꞌnaj titna yinh ebꞌnaj levita, yinh hunun majan, haꞌ xin bꞌey Jerusalén ehayo ebꞌnaj.

35 Haꞌ bꞌey konhobꞌ Gabaón haꞌ tuꞌ ehayo naj Jehiel ismam naj Gabaón, haxa yixal naj xin, Maaca isbꞌi ix. 36 Ebꞌnaj iskꞌahol naj haꞌ ebꞌnaj tiꞌ: Naj Abdón, naj bꞌabꞌel kꞌahole, tzujan tuꞌ naj Zur, naj Cis, naj Baal, naj Ner, naj Nadab, 37 naj Gedor, naj Ahío, naj Zacarías, yebꞌ naj Miclot. 38 Haxa naj Miclot, iskꞌahol naj Simeam; ebꞌnaj tuꞌ ay ebꞌnaj sunil bꞌey Jerusalén satakꞌti yuxhtaj. 39 Haꞌ naj Ner iskꞌahol naj ye naj Cis, naj Cis iskꞌahol naj ye yaꞌ Saúl. Haꞌ ebꞌnaj iskꞌahol yaꞌ Saúl haꞌ ebꞌnaj tiꞌ, yaꞌ Jonatán, naj Malquisúa, naj Abinadab yebꞌ naj Es-baal. 40 Yaꞌ Jonatán iskꞌahol naj ye naj Merib-baal, naj Merib-baal iskꞌahol naj ye naj Micaía. 41 Haꞌ ebꞌnaj iskꞌahol naj Micaía haꞌ ebꞌnaj tiꞌ: Naj Pitón, naj Melec, naj Tarea yebꞌ naj Acaz. 42 Naj Acaz, iskꞌahol naj ye naj Jara, naj Jara iskꞌahol naj ye naj Alemet, naj Azmavet yebꞌ naj Zimri, naj Zimri iskꞌahol naj ye naj Mosa. 43 Haꞌ naj Mosa iskꞌahol naj ye naj Bina, haꞌ naj Bina iskꞌahol naj ye naj Refaías, naj Refaías iskꞌahol naj ye naj Elasa, naj Elasa iskꞌahol naj ye naj Azel. 44 Naj Azel tuꞌ wajwanh iskꞌahol naj, hak tiꞌ isbꞌi ebꞌnaj hakaꞌ tiꞌ: naj Azricam, naj Bocru, naj Ismael, naj Searías, naj Obadías yebꞌ naj Hanán; haꞌ ebꞌnaj tuꞌ iskꞌahol naj Azel.