3 Haxa ebꞌnaj iskꞌahol naj Bela haꞌ ebꞌnaj tiꞌ: Naj Adar, naj Gera, naj Abiud, 4 naj Abisúa, naj Naamán, naj Ahoa, 5 naj Gera, naj Sefufán yebꞌ naj Hiram.

6 Ebꞌnaj iskꞌahol naj Aod, haꞌ ebꞌnaj ok yahawil yinh hunun majan ebꞌnaj ehayo bꞌey txꞌotxꞌ Geba, tzujan tuꞌ yilaxto ebꞌnaj bꞌey Manahat. 7 Haꞌ ebꞌnaj iskꞌahol naj Aod tuꞌ; naj Naamán, naj Ahías, yebꞌ naj Gera. Haꞌ naj Gera tuꞌ inito ebꞌnaj bꞌey Manahat. Haꞌ naj Gera tuꞌ ismam naj Uza yebꞌ naj Ahiud.

8 Naj Saharaim ayto yuninal naj pitzkꞌa bꞌey txꞌotxꞌ Moab yet xaꞌispoh isbꞌa naj yebꞌ ebꞌix yixal, haꞌ ton ix Husim yebꞌ ix Baara. 9 Haxa ebꞌnaj iskꞌahol naj Saharaim pitzkꞌa yebꞌ ix Hodes, haꞌ ton ebꞌnaj tiꞌ: Naj Jobab, naj Sibia, naj Mesa, naj Malcam, 10 naj Jeúz, naj Saquías, yebꞌ naj Mirma; haꞌ ebꞌnaj xin ok yahawo yinh hunun majan ebꞌnaj yikꞌal. 11 Aypaxo kawanh iskꞌahol naj Saharaim yebꞌ ix Husim, haꞌ ebꞌnaj tiꞌ: Naj Abitob yebꞌ naj Elpaal. 12 Haꞌ ebꞌnaj iskꞌahol naj Elpaal haꞌ ebꞌnaj tiꞌ: naj Heber, naj Misam, yebꞌ naj Semed, haꞌ naj Semed tuꞌ watxꞌenkanh konhobꞌ Ono yebꞌ konhobꞌ Lod yebꞌ yaldeahil.

13 Naj Bería yebꞌ naj Sema, haꞌ ebꞌnaj ok yahawilo yikꞌal ay bꞌey Ajalón. Haꞌ ebꞌnaj xin tzumbꞌenilo anma apnikano payat bꞌey konhobꞌ Gat. 14 Haꞌ ebꞌnaj yuninal naj Bería haꞌ ebꞌnaj tiꞌ: Naj Ahío, naj Sasac, naj Jeremot, 15 naj Zebadías, naj Arad naj Ader, 16 naj Micael, naj Ispa, naj Joha; sunil tiꞌ istxolal iskꞌahol naj Bería. 17 Haxa ebꞌnaj iskꞌahol naj Elpaal haꞌ ebꞌnaj tiꞌ: Naj Zebadías, naj Mesulam, naj Hizqui, naj Heber, 18 naj Ismerai, naj Jezlías yebꞌ naj Jobab. Sunil tiꞌ istxolal iskꞌahol naj Elpaal.

19 Haxa ebꞌnaj iskꞌahol naj Simei haꞌ ebꞌnaj tiꞌ: Naj Jaquim, naj Zicri, naj Zabdi, 20 naj Elienai, naj Siletai, naj Eliel, 21 naj Adaías, naj Beraías yebꞌ naj Simrat. Sunil tiꞌ istxolal iskꞌahol naj Simei.

22 Haxa ebꞌnaj iskꞌahol naj Sasac, haꞌ ebꞌnaj tiꞌ: Naj Ispán, naj Heber, naj Eliel, 23 naj Abdón, naj Zicri, naj Hanán, 24 naj Hananías, naj Elam, naj Anatotías, 25 naj Ifdaías yebꞌ naj Peniel. Sunil tiꞌ istxolal iskꞌahol naj Sasac. 26 Haꞌ ebꞌnaj iskꞌahol naj Jeroham haꞌ ebꞌnaj tiꞌ: Naj Samserai, naj Seharías, naj Atalías, 27 naj Jaresías, naj Elías, yebꞌ naj Zicri. Sunil tiꞌ istxolal iskꞌahol naj Jeroham. 28 Haꞌ ebꞌnaj tuꞌ ok yahawilo yinh hunun majan yikꞌal, haꞌ xin bꞌey Jerusalén ehayo ebꞌnaj.

29 Haꞌ bꞌey konhobꞌ Gabaón ekꞌlena ebꞌnaj yuninal naj Abigabaón, yebꞌ yixal, ix Maaca. 30 Haꞌ ebꞌnaj tiꞌ iskꞌahol naj, naj Abdón, haꞌ naj bꞌabꞌel kꞌahole, tzujan tuꞌ naj Zur, naj Cis, naj Baal, naj Nadab, 31 naj Gedor, naj Ahío, yebꞌ naj Zequer, 32 naj Miclot, iskꞌahol naj ye naj Simea, ebꞌnaj tuꞌ ehayo ebꞌnaj satakꞌti ebꞌnaj yuxhta bꞌey Jerusalén.

33 Naj Ner iskꞌahol naj ye naj Cis, naj Cis iskꞌahol naj ye yaꞌ Saúl. Haxa ebꞌnaj iskꞌahol yaꞌ Saúl haꞌ ebꞌnaj tiꞌ: yaꞌ Jonatán, naj Malquisúa, naj Abinadab yebꞌ naj Es-baal.

34 Haxa yaꞌ Jonatán, iskꞌahol yaꞌ ye naj Merib-baal, naj Merib-baal iskꞌahol naj ye naj Micaía. 35 Haxa ebꞌnaj iskꞌahol naj Micaía haꞌ ebꞌnaj tiꞌ: Naj Pitón, naj Melec, naj Tarea yebꞌ naj Acaz. 36 Naj Acaz iskꞌahol naj ye naj Joada, naj Joada iskꞌahol naj ye naj Alemet, naj Azmavet yebꞌ naj Zimri; naj Zimri iskꞌahol naj ye naj Mosa. 37 Naj Mosa iskꞌahol naj ye naj Bina, naj Bina iskꞌahol naj ye naj Rafa, naj Rafa iskꞌahol naj ye naj Elasa, naj Elasa iskꞌahol naj ye naj Azel.

38 Haxa ebꞌnaj iskꞌahol naj Azel wajwanh ebꞌnaj, hak tiꞌ isbꞌi ebꞌnaj hakaꞌ tiꞌ: Naj Azricam, naj Bocru, naj Ismael, naj Searías, naj Obadías, yebꞌ naj Hanán; ebꞌnaj tuꞌ iskꞌahol naj Azel.

39 Haxa ebꞌnaj iskꞌahol naj Esec yuxhta naj Azel haꞌ ebꞌnaj tiꞌ: naj Ulam haꞌ naj bꞌabꞌel, naj Jehús, haꞌ naj iskabꞌ, naj Elifelet haꞌ naj yox. 40 Ebꞌnaj iskꞌahol naj Ulam tuꞌ, kaw helan ebꞌnaj yinh howal yebꞌ kaw ay yip ebꞌnaj, kaw helan ebꞌnaj isqꞌojwa yu teꞌ litꞌ, ebꞌnaj tuꞌ kaw txꞌiꞌal iskꞌahol ebꞌnaj kꞌahole tuꞌ; 150 isbꞌisil ebꞌnaj.

Haꞌ sunil ebꞌnaj tuꞌ yuninal yaꞌ Benjamín.