3 Wal xin haꞌ iskꞌahol naj Uzi haꞌ ton naj Israhías. Haꞌ ebꞌnaj iskꞌahol naj Israhías, haꞌ ton ebꞌnaj tiꞌ: naj Micael, naj Abdías, naj Joel, naj Isías; howanh ebꞌnaj yinh sunil, yahawil xin ebꞌnaj. 4 Yu kaw ay niman yixal ebꞌnaj, yuxin kaw niman yuninal iskꞌahol ebꞌnaj pohchakanokanh, 36 (wajlanhebꞌ iskawinaj) mil isbꞌisil ebꞌnaj. Xol ebꞌnaj winaj tuꞌ ay ebꞌnaj kaw helankano yinh howal. 5 Haꞌ yinh istxolal ebꞌnaj winaj yinh hunun majan yinh ebꞌnaj titna yinh yaꞌ Isacar, 87 (hujebꞌ ishokꞌal) mil isbꞌisil ebꞌnaj winaj kaw helan yinh howal.

6 Ebꞌnaj iskꞌahol yaꞌ Benjamín oxwanh ebꞌnaj, haꞌ ton ebꞌnaj tiꞌ: Naj Bela, naj Bequer, naj Jediael.

7 Ebꞌnaj iskꞌahol naj Bela, haꞌ ebꞌnaj tiꞌ: Naj Ezbón, naj Uzi, naj Uziel, naj Jerimot, yebꞌ naj Iri, howanh ebꞌnaj; haꞌ ebꞌnaj xin iswiꞌehal yinh hunun majan yikꞌal, 22,034 isbꞌisil ebꞌnaj yinh sunil, ebꞌnaj tuꞌ kaw helan ebꞌnaj yinh howal.

8 Haxa ebꞌnaj iskꞌahol naj Bequer, haꞌ ebꞌnaj tiꞌ: Naj Zemira, naj Joás, naj Eliezer, naj Elioenai, naj Omri, naj Jerimot, naj Abías, naj Anatot, yebꞌ naj Alamet, haꞌ sunil ebꞌnaj tuꞌ iskꞌahol naj Bequer. 9 Hayet isbꞌislax ebꞌnaj yinh sunil yinh hunun majan yikꞌal yebꞌ ebꞌnaj iswiꞌehal yinh hunun majan ay 20,200 isbꞌisil ebꞌnaj, ebꞌnaj tuꞌ kaw helan ebꞌnaj yinh howal.

10 Naj Jediael, iskꞌahol naj ye naj Bilhán; haxa ebꞌnaj iskꞌahol naj Bilhán, haꞌ ebꞌnaj tiꞌ: Naj Jeús, naj Benjamín, naj Aod, naj Quenaana, naj Zetán, naj Tarsis yebꞌ naj Ahisahar. 11 Sunil ebꞌnaj tuꞌ yuninal yuninal naj Jediael yahaw ebꞌnaj yinh hunun majan yikꞌal, ebꞌnaj tuꞌ kaw helan ebꞌnaj yinh howal. Haꞌ xin isbꞌisil sunil ebꞌnaj, ay 17,200 isbꞌisil ebꞌnaj chiꞌelto yinh howal.

12 Naj Sufam yebꞌ naj Hufam, iskꞌahol naj Hir ye ebꞌnaj; haxa naj Husim iskꞌahol naj Aher ye naj.

13 Haꞌ ebꞌnaj tiꞌ ebꞌnaj iskꞌahol yaꞌ Neftalí: naj Jahzeel, naj Guni, naj Jeser yebꞌ naj Salum. Haꞌ ebꞌnaj tuꞌ titna yinh ix Bilha, yixal yaꞌ Jacob.^a

14 Ebꞌnaj iskꞌahol yaꞌ Manasés, haꞌ ebꞌnaj tiꞌ: Naj Asriel yebꞌ naj Maquir, haꞌ ebꞌnaj tuꞌ yunin ix ah Siria, iskabꞌ yixal yaꞌ Manasés ye ix. Haꞌ naj Maquir haꞌ ismam naj Galaad. 15 Naj Maquir mohyi naj yebꞌ ix Maaca, haꞌ ix Maaca tuꞌ yikꞌal isbꞌa ix yebꞌ naj Hufam yebꞌ naj Sufam. Haꞌ hunxa iskꞌahol naj Maquir haꞌ ton naj Zelofehad. Naj Zelofehad tuꞌ ixnhe iskutzꞌin naj. 16 Ix Maaca yixal naj Maquir ay huneꞌ yunin ix chiyij Peres, hunxa naj chiyij Seres. Haꞌ ebꞌnaj iskꞌahol naj Peres huneꞌ naj chiyij Ulam, hunxa naj chiyij Requem. 17 Haꞌ naj Ulam, iskꞌahol naj ye naj Bedán, sunil ebꞌnaj tuꞌ titna yinh naj Galaad, naj Galaad tuꞌ iskꞌahol naj Maquir ye naj, naj Maquir, iskꞌahol yaꞌ Manasés ye naj. 18 Yanabꞌ naj Maquir ye ix Hamolequet. Haꞌ ebꞌnaj tiꞌ yunin ix, naj Isod, naj Abiezer yebꞌ naj Mahlá.

19 Haꞌ ebꞌnaj iskꞌahol naj Semida haꞌ ebꞌnaj tiꞌ: Naj Ahián, naj Siquem, naj Likhi yebꞌ naj Aniam.

20 Ebꞌnaj titna yinh yuninal yaꞌ Efraín yinh istxolal haꞌ ebꞌnaj tiꞌ: Naj Sutela, naj Bered, naj Tahat, naj Elada, naj Tahat, 21 naj Zabad, naj Sutela, naj Ezer, yebꞌ naj Elad. Yajaꞌ naj Ezer yebꞌ naj Elad potxꞌlaxkamo ebꞌnaj yu ebꞌnaj yayo sat txꞌotxꞌ Gat, yuto apni ebꞌnaj eleqꞌ yinh isnoqꞌ ebꞌnaj. 22 Yaꞌ Efraín ismam ebꞌnaj ok niman bꞌiskꞌulal yinh yaꞌ yu iskamikal ebꞌnaj iskꞌahol tuꞌ, kaw xin txꞌiꞌal tzꞌayik bꞌiskꞌulal yebꞌ yaꞌ, yapni ebꞌnaj yuxhta yaqꞌaꞌ yaqꞌlobꞌal iskꞌul. 23 Lahwi tuꞌ ispitzkꞌa hunxa iskꞌahol yaꞌ Efraín yebꞌ yixal, yaniko yaꞌ isbꞌi nichꞌan iskꞌahol tuꞌ Bería,^b yuto ay huneꞌ niman bꞌiskꞌulal yibꞌanh yaꞌ.

24 Haꞌ ix Seera, iskutzꞌin naj Bería iswatxꞌekanh ix konhobꞌ Bet-horón bꞌey yalanhaytoj, yebꞌ Bet-horón bꞌey yibꞌanhahtoj, yebꞌpaxo konhobꞌ Uzen-seera.

25 Haꞌ xin ebꞌnaj tiꞌ titna yinh naj Bería yinh istxolal: Naj Refa, naj Resef, naj Telah, naj Tahán, 26 naj Laadán, naj Amiud, naj Elisama, 27 yaꞌ Nun, yaꞌ Josué. 28 Haꞌ xin istxꞌotxꞌ ebꞌnaj yebꞌ iskonhobꞌ, haꞌ ton Bet-el yebꞌ yaldeahil, yebꞌ konhobꞌ Naarán yetkꞌulal bꞌay chito tzꞌayik, yebꞌ konhobꞌ Gezer yetkꞌulal bꞌay chiꞌahilo tzꞌayik yebꞌ yaldeahil, yebꞌ konhobꞌ Siquem yebꞌ yaldeahil, masanta chiꞌapni bꞌey konhobꞌ Ayah yebꞌ yaldeahil. 29 Haꞌ ebꞌnaj yuninal yaꞌ Manasés yahawil ye ebꞌnaj yinh konhobꞌ Bet-seán, yebꞌ yaldeahil, konhobꞌ Taanac yebꞌ yaldeahil, konhobꞌ Meguido yebꞌ yaldeahil, yebꞌ konhobꞌ Dor yebꞌ yaldeahil.

Haꞌ yul hunteqꞌan konhobꞌ tuꞌ ehayo ebꞌnaj titna yinh yaꞌ José, iskꞌahol yaꞌ Israel.

30 Haꞌ ebꞌnaj tiꞌ iskꞌahol yaꞌ Aser: Naj Imna, naj Isúa naj Isúi, naj Bería, yebꞌ ix Sera yanabꞌ ebꞌnaj.

31 Haꞌ ebꞌnaj iskꞌahol naj Bería, haꞌ ebꞌnaj tiꞌ: Naj Heber, yebꞌ naj Malquiel, naj Malquiel tiꞌ, haꞌ naj ismam naj Birzávit. 32 Haꞌ ebꞌnaj iskꞌahol naj Heber, haꞌ ton ebꞌnaj tiꞌ: Naj Jaflet, naj Semer, naj Hotam, yebꞌ ix Súa, yanabꞌ ebꞌnaj.

33 Haxa ebꞌnaj iskꞌahol naj Jaflet haꞌ ebꞌnaj tiꞌ: Naj Pasac, naj Bimhal yebꞌ naj Asvat, haꞌ ebꞌnaj tiꞌ iskꞌahol naj Jaflet.

34 Haꞌ ebꞌnaj iskꞌahol naj Semer haꞌ ebꞌnaj tiꞌ: Naj Ahí, naj Rohga, naj Jehúba yebꞌ naj Aram.

35 Haꞌ ebꞌnaj iskꞌahol naj Hotam yuxhta naj Semer, haꞌ ebꞌnaj tiꞌ: Naj Zofa, naj Imna, naj Seles yebꞌ naj Amal. 36 Haꞌ ebꞌnaj iskꞌahol naj Zofa, haꞌ ebꞌnaj tiꞌ: Naj Súa naj Harnefer, naj Súal, naj Beri, naj Imra, 37 naj Beser, naj Hod, naj Sama, naj Silsa, naj Itrán yebꞌ naj Beera.

38 Haꞌ ebꞌnaj iskꞌahol naj Jeter, haꞌ ebꞌnaj tiꞌ: Naj Jefone, naj Pispa yebꞌ naj Ara. 39 Haꞌ ebꞌnaj iskꞌahol naj Ula, haꞌ ebꞌnaj tiꞌ: naj Ara, naj Haniel, yebꞌ naj Rezia.

40 Haꞌ sunil ebꞌnaj tuꞌ yuninal yaꞌ Aser, haꞌ xin ebꞌnaj yahaw yinh hunun majan yikꞌal, yebꞌ kaw ekꞌbꞌalkano yelapno elkaniko ebꞌnaj, yebꞌ kaw helan ebꞌnaj yinh howal. Haꞌ xol ebꞌnaj tuꞌ ay 26 (wajebꞌ iskawinaj) mil isbꞌisil ebꞌnaj winaj chiꞌelto yinh howal.