Ebꞌnaj titna yinh yaꞌ Leví
6
Ebꞌnaj iskꞌahol yaꞌ Leví, haꞌ ton ebꞌnaj tiꞌ: naj Gersón, naj Coat, naj Merari. 2 Ebꞌnaj iskꞌahol naj Coat, haꞌ ebꞌnaj tiꞌ: naj Amram, naj Izhar, naj Hebrón yebꞌ naj Uziel. 3 Haxa iskꞌahol naj Amram, haꞌ ton yaꞌ Aarón, yaꞌ Moisés, yebꞌ xin iskutzꞌin, haꞌ ix María. Ebꞌyaꞌ iskꞌahol yaꞌ Aarón haꞌ ton ebꞌyaꞌ tiꞌ: naj Nadab, naj Abiú, yaꞌ Eleazar yebꞌ naj Itamar. 4 Yaꞌ Eleazar iskꞌahol yaꞌ ye yaꞌ Finees, yaꞌ Finees iskꞌahol yaꞌ ye yaꞌ Abisúa; 5 yaꞌ Abisúa iskꞌahol yaꞌ ye yaꞌ Buqui, yaꞌ Buqui iskꞌahol yaꞌ ye yaꞌ Uzi, 6 yaꞌ Uzi iskꞌahol yaꞌ ye yaꞌ Zeraías, yaꞌ Seraías iskꞌahol yaꞌ ye yaꞌ Meraiot, 7 yaꞌ Meraiot iskꞌahol yaꞌ ye yaꞌ Amarías, yaꞌ Amarías iskꞌahol yaꞌ ye yaꞌ Ahitob, 8 yaꞌ Ahitob iskꞌahol yaꞌ ye yaꞌ Sadoc, yaꞌ Sadoc iskꞌahol yaꞌ ye yaꞌ Ahimaas, 9 yaꞌ Ahimaas iskꞌahol yaꞌ ye yaꞌ Azarías, yaꞌ Azarías iskꞌahol yaꞌ ye yaꞌ Johanán, 10 yaꞌ Johanán iskꞌahol yaꞌ ye yaꞌ Azarías, yaꞌ Azarías tuꞌ ok yinh ismunil yinh sacerdotehal yul Yatut Komam Dios, iswatxꞌekanh yaꞌ rey Salomón bꞌey Jerusalén. 11 Yaꞌ Azarías tuꞌ iskꞌahol yaꞌ ye yaꞌ Amarías, yaꞌ Amarías iskꞌahol yaꞌ ye yaꞌ Ahitob, 12 yaꞌ Ahitob iskꞌahol yaꞌ ye yaꞌ Sadoc, yaꞌ Sadoc iskꞌahol yaꞌ ye yaꞌ Salum, 13 yaꞌ Salum iskꞌahol yaꞌ ye yaꞌ Hilcías, yaꞌ Hilcías iskꞌahol yaꞌ ye yaꞌ Azarías, 14 naj Azarías iskꞌahol naj ye yaꞌ Seraías, yaꞌ Seraías iskꞌahol yaꞌ ye yaꞌ Josadac. 15 Haꞌ yaꞌ Josadac tuꞌ ilaxto preso yebꞌ ebꞌnaj ah Judá yebꞌ konhobꞌ Jerusalén yu naj rey Nabucodonosor, yuto haꞌ Komam Jahawil aniko ebꞌnaj tuꞌ yul isqꞌabꞌ naj.16 Ebꞌnaj iskꞌahol yaꞌ Leví haꞌ ebꞌnaj tiꞌ: yaꞌ Gersón, naj Coat yebꞌ naj Merari. 17 Ebꞌnaj iskꞌahol naj Gersón, hak tiꞌ isbꞌi ebꞌnaj hakaꞌ tiꞌ: naj Libni yebꞌ naj Simei.
18 Ebꞌnaj iskꞌahol naj Coat, haꞌ ebꞌnaj tiꞌ: naj Amram, naj Izhar, naj Hebrón yebꞌ naj Uziel.
19 Ebꞌnaj iskꞌahol naj Merari haꞌ ebꞌnaj tiꞌ: Naj Mahli yebꞌ naj Musi, haꞌ ebꞌnaj tuꞌ yuninal yuninal yaꞌ Leví. 20 Yaꞌ Gersón iskꞌahol yaꞌ ye naj Libni, naj Libni iskꞌahol naj ye naj Jahat, naj Jahat iskꞌahol naj ye naj Zima. 21 Naj Zima iskꞌahol naj ye naj Joa, naj Joa iskꞌahol naj ye yaꞌ Iddo, yaꞌ Iddo iskꞌahol yaꞌ ye naj Zera, naj Zera iskꞌahol naj ye naj Jeatrai.
22 Haꞌ ebꞌnaj tiꞌ yuninal yuninal naj Coat: naj Coat iskꞌahol naj ye naj Aminadab, naj Aminadab iskꞌahol naj ye naj Coré, naj Coré iskꞌahol naj ye naj Asir, 23 naj Asir iskꞌahol naj ye naj Elcana, naj Elcana iskꞌahol naj ye naj Ebiasaf, naj Ebiasaf iskꞌahol naj ye naj Asir. 24 Naj Asir, iskꞌahol naj ye naj Tahat, naj Tahat iskꞌahol naj ye naj Uriel, naj Uriel iskꞌahol naj ye naj Uzías, naj Uzías iskꞌahol naj ye naj Saúl.
25 Ebꞌnaj iskꞌahol naj Elcana, haꞌ ebꞌnaj tiꞌ: naj Amasai yebꞌ naj Ahimot. 26 Naj Ahimot iskꞌahol naj Elcana, naj Elcana iskꞌahol naj naj Zofai, naj Zofai iskꞌahol naj ye naj Nahat, 27 naj Nahat iskꞌahol naj ye naj Eliab, naj Eliab iskꞌahol naj ye naj Jeroham, naj Jeroham iskꞌahol naj ye naj Elcana.
28 Ebꞌnaj iskꞌahol yaꞌ Samuel haꞌ ebꞌnaj tiꞌ: naj Vasni, haꞌ naj bꞌabꞌel kꞌahole yebꞌ naj Abías. 29 Ebꞌnaj yuninal naj Merari haꞌ ebꞌnaj tiꞌ: naj Mahli, naj Mahli iskꞌahol naj ye naj Libni, naj Libni iskꞌahol naj ye naj Simei, naj Simei iskꞌahol naj ye naj Uza; 30 naj Uza iskꞌahol naj ye naj Simea; naj Simea iskꞌahol naj ye naj Haguía, naj Haguía iskꞌahol naj ye naj Asaías.
Ebꞌnaj chibꞌitni yul Yatut Komam Dios saybꞌiliko yu yaꞌ David
31 Haꞌ ebꞌnaj tiꞌ yako yaꞌ David yinh ismunil bꞌitno yul Yatut Komam Jahawil yettaxtikꞌa yet yalaxkanikto isKaxhahil istrato Komam Dios yul yatut tuꞌ. 32 Haꞌ ebꞌnaj tiꞌ chibꞌitni sata Yatut Komam Dios watxꞌebꞌilkanh yinh qꞌap qꞌap, bꞌay chischah isbꞌa ebꞌnaj Israel yebꞌ Komam, masanto yet iswatxꞌenkanokanh yaꞌ rey Salomón Yatut Komam bꞌey Jerusalén, yalaxpaxiko ebꞌnaj yinh ismunil tuꞌ, hakaꞌtikꞌa isbꞌeybꞌal ebꞌnaj.
33 Haꞌ ebꞌnaj tiꞌ yebꞌ iskꞌahol ok yinh huneꞌ munil tuꞌ; ebꞌnaj chibꞌitni xol iskꞌahol naj Coat, haꞌ ton naj Hemán, iskꞌahol naj Joel, naj iskꞌahol naj Samuel. 34 Naj iskꞌahol naj Elcana, naj iskꞌahol naj Jeroham naj iskꞌahol naj Eliel, naj iskꞌahol naj Toa. 35 Naj iskꞌahol naj Zuf, naj iskꞌahol naj Elcana, naj iskꞌahol naj Mahat, naj iskꞌahol naj Amasai, 36 naj iskꞌahol naj Elcana, naj iskꞌahol naj Joel, naj iskꞌahol naj Azarías, naj iskꞌahol naj Sofonías; 37 naj iskꞌahol naj Tahat, naj iskꞌahol naj Asir, naj iskꞌahol naj Ebiasaf, naj iskꞌahol naj Coré; 38 naj iskꞌahol naj Izhar, naj iskꞌahol naj Coat, naj iskꞌahol yaꞌ Leví, naj iskꞌahol yaꞌ Israel.
39 Ayko xin naj Asaf yuxhta naj Hemán tuꞌ yinh iswatxꞌqꞌabꞌ, naj iskꞌahol naj Berequías, naj iskꞌahol naj Simea. 40 Naj iskꞌahol naj Micael, naj iskꞌahol naj Baasías, naj iskꞌahol naj Malquías, 41 naj iskꞌahol naj Etni, iskꞌahol naj Zera, iskꞌahol naj Adaía, 42 naj iskꞌahol naj Etán, naj iskꞌahol naj Zima, naj iskꞌahol naj Simei. 43 Naj iskꞌahol naj Jahat, naj iskꞌahol naj Gersón, iskꞌahol yaꞌ Leví.
44 Haxa yinh ismekqꞌabꞌ naj Hemán ayko ebꞌnaj yuninal naj Merari, haꞌ ton ebꞌnaj tiꞌ: Naj Etán, iskꞌahol naj Quisi, naj iskꞌahol naj Abdi, naj iskꞌahol naj Maluc, 45 naj iskꞌahol naj Hasabías, naj iskꞌahol naj Amasías, naj iskꞌahol naj Hilcías, 46 naj iskꞌahol naj Amsi, naj iskꞌahol naj Bani, naj iskꞌahol naj Semer; 47 naj iskꞌahol naj Mahli, naj iskꞌahol naj Musi, naj iskꞌahol naj Merari, naj iskꞌahol yaꞌ Leví. 48 Haꞌ xin ebꞌnaj levita tuꞌ alaxiko munil yul Yatut Komam Dios.
Ebꞌnaj titna yinh yaꞌ Aarón
49 Wal yaꞌ Aarón yebꞌ ebꞌyaꞌ iskꞌahol, haꞌ chihalten xahanbꞌal yibꞌanh ismexhahil bꞌay chinhuslax no noqꞌ xahanbꞌalil tet Komam Dios, haꞌ xin ebꞌyaꞌ chinhusnipaxo teꞌ pom kaw xuqꞌ sam yibꞌanh ismexhahil yet xahanbꞌal; chimunlakto ebꞌyaꞌ yul Ehobꞌal ekꞌna kaw Txahul, chiyaqꞌni ebꞌyaꞌ xahanbꞌal yinh ismul konhobꞌ Israel, hakaꞌtikꞌa yu yalnikano yaꞌ Moisés, ischejabꞌ Komam Dios. 50 Haꞌ ebꞌyaꞌ tiꞌ, titna yinh yaꞌ Aarón: yaꞌ Eleazar, yaꞌ Finees, yaꞌ Abisúa, 51 yaꞌ Buqui, yaꞌ Uzi, yaꞌ Seraías, 52 yaꞌ Meraiot, yaꞌ Amarías, yaꞌ Ahitob, 53 yaꞌ Sadoc yebꞌ yaꞌ Ahimaas.
Iskonhobꞌ ebꞌnaj Levita
54 Haꞌ hunteqꞌan konhobꞌ tiꞌ bꞌay eh ebꞌnaj titna yinh yaꞌ Aarón yebꞌ ismohonal istxꞌotxꞌ ebꞌnaj. Haꞌ xin ebꞌnaj bꞌabꞌel majan aqꞌlax yet yinh suertehal, haꞌ ton ebꞌnaj coatita. 55 Aqꞌlax konhobꞌ Hebrón ay sat txꞌotxꞌ Judá, yaqꞌlaxpaxo bꞌay chilow isnoqꞌ ebꞌnaj yinhla ishoyanil konhobꞌ. 56 Haꞌ tet yaꞌ Caleb, xin iskꞌahol yaꞌ Jefone aqꞌlax sunil txꞌotxꞌ yet konhobꞌ yebꞌ yaldeahil. 57 Haꞌ Hebrón ay sat txꞌotxꞌ Judá tuꞌ aqꞌlax tet ebꞌnaj iskꞌahol yaꞌ Aarón. Haꞌ bꞌey Hebrón tuꞌ chiskol isbꞌa anma Israel chiꞌok huchan yinh chismaqꞌnikamo hunu yet anmahil, Ischahnipaxo ebꞌnaj konhobꞌ Libna, Jatir, Estemoa, 58 Hilén yebꞌ Debir, 59 yaqꞌlaxpaxo konhobꞌ Asán yebꞌ Bet-semes tet ebꞌnaj, haꞌ yinhla ishoyanil hunun konhobꞌ tuꞌ aqꞌlaxpaxo bꞌay chilow isnoqꞌ ebꞌnaj.
60 Haxa sat istxꞌotxꞌ ebꞌnaj Benjamín, haꞌ konhobꞌ tiꞌ aqꞌlax tet ebꞌnaj: Konhobꞌ Geba, konhobꞌ Alemet yebꞌ Anatot. Haꞌ yinhla ishoyanil hunun konhobꞌ tuꞌ aqꞌlaxpaxo bꞌay chilow isnoqꞌ ebꞌnaj; 13 (oxlahonhebꞌ) iskonhobꞌ ebꞌnaj bꞌey tuꞌ yinh sunil. Pohlaxkanh konhobꞌ tuꞌ yinh hunun majan yikꞌalnhe isbꞌa.
61 Haxa tet ebꞌnaj yuninal naj Coat aqꞌlax 10 (lahonhebꞌ) konhobꞌ yinh suertehal tet ebꞌnaj bꞌey sat istxꞌotxꞌ yikta majanil ebꞌnaj Manasés.
62 Haxa tet ebꞌnaj titna yinh yaꞌ Gersón aqꞌlax konhobꞌ ay sat istxꞌotxꞌ ebꞌnaj Isacar tet ebꞌnaj yebꞌ konhobꞌ ay sat istxꞌotxꞌ ebꞌyaꞌ Aser, yebꞌ konhobꞌ ay sat istxꞌotxꞌ ebꞌnaj Neftalí yebꞌ konhobꞌ ay sat istxꞌotxꞌ ebꞌnaj Manasés bꞌey Basán; 13 (oxlahonhebꞌ) konhobꞌ aqꞌlax tet ebꞌnaj tuꞌ.
63 Haxa tet hunun majan ebꞌnaj titna yinh naj Merari aqꞌlax konhobꞌ ay sat istxꞌotxꞌ ebꞌnaj Rubén yebꞌ konhobꞌ ay sat istxꞌotxꞌ ebꞌnaj Gad yebꞌ konhobꞌ ay sat istxꞌotxꞌ ebꞌnaj Zabulón. 12 (Kabꞌlahonhebꞌ) konhobꞌ aqꞌlax tet ebꞌnaj. 64 Yaqꞌnipaxo ebꞌnaj Israel konhobꞌ ay sat istxꞌotxꞌ tet ebꞌnaj levita tuꞌ yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ. 65 Aqꞌlax iskonhobꞌ ebꞌnaj tuꞌ sat istxꞌotxꞌ ebꞌnaj Judá, sat istxꞌotxꞌ ebꞌnaj Simeón, sat istxꞌotxꞌ ebꞌnaj Benjamín, haꞌ ton hunteqꞌan konhobꞌ chiꞌaqꞌlax bꞌinaho tiꞌ, haꞌ aqꞌlax tet ebꞌnaj hatatikꞌa yinhbꞌal. 66 Haxa tet hunun majan ebꞌnaj titna yinh naj Coat aqꞌlax konhobꞌ ay sat istxꞌotxꞌ ebꞌnaj Efraín; yaqꞌlaxpaxo bꞌay chilow isnoqꞌ ebꞌnaj yinhla ishoyanil hunun konhobꞌ. 67 Haꞌ bꞌey txꞌotxꞌ chewal txꞌotxꞌ Efraín tuꞌ aqꞌlax konhobꞌ Siquem tet ebꞌnaj, haꞌ bꞌey tuꞌ xin chiskol isbꞌa makta huchan yinh chimaqꞌnikamo yet anmahil, yebꞌ konhobꞌ Gezer, yebꞌ bꞌay chilow isnoqꞌ ebꞌnaj yinhla ishoyanil konhobꞌ. 68 Yebꞌ Jocmeam yebꞌ Bet-semes yebꞌ bꞌay chilow isnoqꞌ ebꞌnaj yinhla ishoyanil konhobꞌ. 69 Yebꞌ konhobꞌ Ajalón, konhobꞌ Gat-rimón yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ.
70 Haxa sat istxꞌotxꞌ yikta majan ebꞌnaj Manasés aqꞌlax konhobꞌ Aner tet hunxa majan ebꞌnaj titna yinh naj Coat kantokanoj yebꞌ konhobꞌ Bileam yebꞌ bꞌay chilow isnoqꞌ ebꞌnaj yinhla ishoyanil konhobꞌ.
71 Haꞌ tet ebꞌnaj iskꞌahol yaꞌ Gersón haꞌ konhobꞌ aqꞌlax tet ebꞌnaj sat istxꞌotxꞌ ebꞌnaj yikta majan Manasés, haꞌ ton konhobꞌ tiꞌ: konhobꞌ Golán bꞌey txꞌotxꞌ Basán, yebꞌ Astarot; yaqꞌlaxpaxo bꞌay chilow isnoqꞌ ebꞌnaj yinhla ishoyanil konhobꞌ tuꞌ. 72 Haxa sat istxꞌotxꞌ ebꞌnaj Isacar, haꞌ konhobꞌ tiꞌ aqꞌlax tet ebꞌnaj: konhobꞌ Cedes, Daberat, yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ. 73 Yebꞌ konhobꞌ Ramot yebꞌ konhobꞌ Anem, yaqꞌlaxpaxo bꞌay chilow isnoqꞌ ebꞌnaj yinhla ishoyanil konhobꞌ tuꞌ. 74 Haxa sat istxꞌotxꞌ ebꞌnaj Aser, haꞌ konhobꞌ tiꞌ aqꞌlax tet ebꞌnaj; konhobꞌ Masal, konhobꞌ Abdón yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ. 75 Yaqꞌlaxpaxo konhobꞌ Hucoc yebꞌ Rehob yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ. 76 Haxa sat istxꞌotxꞌ ebꞌnaj Neftalí haꞌ konhobꞌ tiꞌ aqꞌlax tet ebꞌnaj; konhobꞌ Cedes, ay yul ismajul txꞌotxꞌ Galilea, yebꞌ konhobꞌ Hamón, yebꞌ Quiriataim yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ.
77 Haxa tet ebꞌnaj iskꞌahol naj Merari kantokanoj, haꞌ hunteqꞌan konhobꞌ ay sat istxꞌotxꞌ ebꞌnaj Zabulón aqꞌlax tet ebꞌnaj haꞌ ton hunteqꞌan tiꞌ: Konhobꞌ Rimón, yebꞌ konhobꞌ Tabor yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ. 78 Haxa isqꞌaxebꞌikꞌto haꞌ Jordán satakꞌti konhobꞌ Jericó sat istxꞌotxꞌ ebꞌnaj Rubén, haꞌ konhobꞌ tiꞌ aqꞌlax tet ebꞌnaj; konhobꞌ Beser ay bꞌey txꞌotxꞌ desierto yebꞌ konhobꞌ Jaza yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ, 79 yebꞌ konhobꞌ Cademot yebꞌ Mefaat yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ. 80 Haxa sat istxꞌotxꞌ ebꞌnaj Gad, haꞌ konhobꞌ tiꞌ aqꞌlax tet ebꞌnaj: konhobꞌ Ramot ay yul ismajul txꞌotxꞌ Galaad, yebꞌ konhobꞌ Mahanaim yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ, 81 yebꞌ konhobꞌ Hesbón yebꞌ Jazer yebꞌ bꞌay chilow isnoqꞌ ebꞌnaj yinhla ishoyanil konhobꞌ tuꞌ.