Ochan̈ vedꞌoc dꞌa elan̈chamel
A jun bꞌit tic sbꞌitaj yuj vin̈ cuchbꞌum dꞌa bꞌit, yic snaancot Dios tastac tzon̈ icꞌani. Aton jun tic sbꞌit vin̈aj David.
70
Ach in Diosal, ul colineli. Mamin Jehová, cotan̈ elan̈chamel yic tzin a colani.2 A ebꞌ snibꞌan in smilanchamoc, qꞌuixvocabꞌ el ebꞌ, somchajocabꞌ el ebꞌ. A ebꞌ sgana yacꞌan chucal dꞌayin, bꞌatocabꞌ ebꞌ elelal yuj qꞌuixvelal.
3 A ebꞌ tzin bꞌuchani, aton ebꞌ tzꞌel stzubꞌ dꞌayin, bꞌatocabꞌ ebꞌ elelal yuj qꞌuixvelal.
4 Axo masanil ebꞌ syaqꞌuem sbꞌa dꞌayach, tzalajocabꞌ scꞌol ebꞌ. A ebꞌ snibꞌan a colval, yalocabꞌ ebꞌ to te nivan elcꞌochi.
5 A in pax tic jun, ilbꞌaj in cꞌool, cuscꞌolal vaji. Axo svalani: Ach in Diosal, cotan̈ dꞌa elan̈chamel yic tzin a colani. A achn̈ej tzin a coltaxoni. Cotan̈ dꞌa elan̈chamel, Mamin Jehová, xin chi.