A schucalil ebꞌ anima
(Sal 14)
Sbꞌit jun tic vin̈aj David, yic tzon̈ scꞌaybꞌej. Sbꞌitej jun bꞌit tic vin̈ cuchbꞌum dꞌa bꞌit ayic ay cuscꞌolal.
53
A ebꞌ chuc spensar sna ebꞌ to malaj Dios. Junlajanxon̈ej ix aj sjuanel spensar ebꞌ. Yelxo val te chuc scꞌulej ebꞌ. Man̈xalaj mach scꞌulan vachꞌil.2 Ato dꞌa satchaan̈ qꞌuelanemta Dios dꞌa anima, yic syilaꞌ tato ay ebꞌ syacꞌoch spensar dꞌay, yic syilpaxi tato naan yuj ebꞌ.
3 A juntzan̈ bꞌeybꞌal chuc sbꞌeybꞌalej ebꞌ smasanil. Junlajanxon̈ej tzꞌaj sjuvibꞌat ebꞌ. Man̈xalaj junoc mach tzato bꞌeybꞌalan vachꞌ bꞌeybꞌal. Toton man̈xa val junoc.
4 Icha val to malaj spensar ebꞌ scꞌulan chucal chiꞌ. A ebꞌ chiꞌ satanel ebꞌ yetchon̈abꞌ, icha val to svael ebꞌ yaj ebꞌ, max yal-laj sbꞌa ebꞌ dꞌa Dios.
5 Tzꞌibꞌxi ebꞌ yuj xivelal vachꞌchom malaj tas xibꞌtan ebꞌ. A Dios ix saclemancanbꞌat sbꞌaquil ebꞌ ajcꞌool, qꞌuixvelal ix ajcan ebꞌ yujto ix paticajel ebꞌ yuj Dios.
6 Comonoc a dꞌa tzalan Sion scot co colnabꞌil a on̈ israel on̈ tic. Ayic ol yacꞌanxi svachꞌcꞌolal Dios dꞌa quibꞌan̈, ol tzalaj co cꞌool a on̈ yin̈til on̈ vin̈aj Jacob tic. Ol el lenaj ol quilaꞌ.