A scolval Dios scꞌanchaji
Ayic sbꞌitan jun bꞌit tic vin̈ cuchbꞌum yic bꞌit, a yamcꞌabꞌ ay schꞌan̈al scꞌanchaji. Sbꞌit jun tic vin̈aj David, ayic ix cꞌoch ebꞌ aj Zif, ix yalan ebꞌ dꞌa vin̈aj Saúl: A dꞌa sat co luum scꞌubꞌejel sbꞌa vin̈aj David, xchi ebꞌ.
54
Ach in Diosal, colin icha ajnac alan dꞌayin. Colin yujto syal uuj smasanil.2 Ach in Diosal, abꞌ in lesal tic. Acꞌcot tzꞌeyan a chiquin dꞌa tas svalaꞌ.
3 Yujto a ebꞌ anima man̈ vojtacoc tzꞌoch ajcꞌolal dꞌayin, aton ebꞌ comonn̈ej tzꞌacꞌan chucal dꞌa yetanimail. Sgana ebꞌ to tzin chami. Malaj elcꞌoch dꞌa ebꞌ.
4 Palta jun, tic val a ach ayachoch vedꞌoc. Tic val uuj pitzan in.
5 A schucal ebꞌ ayoch ajcꞌolal chiꞌ dꞌayin ol meltzajoch dꞌa yibꞌan̈ uuj. Mamin, satcanel ebꞌ yujto tzacꞌn̈ejelcꞌoch tas tzalaꞌ.
6 Mamin Jehová, ol vacꞌ in silabꞌ dꞌayach dꞌa yol vicoꞌ, ol ach in bꞌitani yujto vachꞌ ach,
7 yujto ix in a colel dꞌa smasanil vilcꞌolal. Ix vilan scan ebꞌ ajcꞌool dꞌayin dꞌa yalan̈ uuj.