Nehemías 7

Ix acꞌjioch ebꞌ stan̈van Jerusalén

Ayic ix lajvi sbꞌoel muro chiꞌ, ix ochcan spuertail, ix vacꞌanpaxoch ebꞌ stan̈van spuertail scajnubꞌ Dios, ebꞌ sbꞌitani yedꞌ juntzan̈xo ebꞌ levita. 2 Ix vacꞌanoch vin̈ vucꞌtac aj Hanani yajalil dꞌa ebꞌ stan̈van Jerusalén yedꞌ vin̈aj Hananías yajalil dꞌa cuartel ay dꞌa yol chon̈abꞌ chiꞌ. A jun vin̈ chiꞌ te vachꞌ spensar vin̈, te ay yelcꞌoch Dios dꞌa vin̈ dꞌa yichan̈ juntzan̈xo ebꞌ vin̈. 3 Ix valani to ayic chaan̈xo cꞌu sjacchaj spuertail Jerusalén chiꞌ, axo dꞌa yemcꞌualil ayic manto pax ebꞌ stan̈vani, vachꞌ tzꞌaj smacchajxicani. Ay pax ebꞌ vin̈ ix vacꞌoch stan̈vej Jerusalén chiꞌ. Ay ebꞌ vin̈ stan̈van bꞌaj stan̈vajtaxoni, ay pax ebꞌ vin̈ dꞌa stzꞌey spat stan̈vej. 4 A jun chon̈abꞌ tic te nivan, palta quenanto anima ayecꞌ dꞌay, yujto manto bꞌochajxiqꞌue spat ebꞌ.

Slistail ebꞌ yin̈tilal Judá ix jax dꞌa Babilonia

(Esd 2.1-70)

5 Ix lajvi chiꞌ, a Dios ix acꞌan in naꞌ to tzin molbꞌej ebꞌ vin̈ vinac nivac yelcꞌochi, ebꞌ vin̈ yajal yaji yedꞌ masanil ebꞌ chon̈abꞌ, yic stzꞌibꞌchaj ebꞌ dꞌa chꞌan̈ libro, icha syal yin̈tilal smam yicham ebꞌ. Ix chax pax chꞌan̈ bꞌaj tzꞌibꞌabꞌil sbꞌi ebꞌ bꞌabꞌlaj janacxi, icha syal sbꞌi smam yicham ebꞌ, ataꞌ tzꞌibꞌabꞌil ebꞌ tic:

6 Aton tic slistail ebꞌ aj Judá icꞌbꞌilcanbꞌat yuj vin̈aj Nabucodonosor sreyal Babilonia. Aton ebꞌ yin̈tilal ebꞌ tic ix jax dꞌa Jerusalén yedꞌ dꞌa juntzan̈xo lugar dꞌa yol yic Judá. Ix jax ebꞌ dꞌa schon̈abꞌcan smam yicham junjun. 7 A ebꞌ vin̈ scuchbꞌan ebꞌ, aton ebꞌ vin̈ tic: Vin̈aj Zorobabel, vin̈aj Jesúa, vin̈aj Nehemías, vin̈aj Azarías, vin̈aj Raamías, vin̈aj Nahamani, vin̈aj Mardoqueo, vin̈aj Bilsán, vin̈aj Misperet, vin̈aj Bigvai, vin̈aj Nehum yedꞌ vin̈aj Baana.

8-24 A ebꞌ yin̈tilal vin̈aj Paros, 2 mil 172 ebꞌ. Ebꞌ yin̈tilal vin̈aj Sefatías, 372 ebꞌ. Ebꞌ yin̈tilal vin̈aj Ara, 652 ebꞌ. Ebꞌ yin̈tilal vin̈aj Pahat-moab, ebꞌ yin̈tilal vin̈aj Jesúa yedꞌ ebꞌ yin̈tilal vin̈aj Joab, 2 mil 818 ebꞌ. Ebꞌ yin̈tilal vin̈aj Elam, mil 254 ebꞌ. Ebꞌ yin̈tilal vin̈aj Zatu, 845 ebꞌ. Ebꞌ yin̈tilal vin̈aj Zacai, 760 ebꞌ. Ebꞌ yin̈tilal vin̈aj Binúi, 648 ebꞌ. Ebꞌ yin̈tilal vin̈aj Bebai, 628 ebꞌ. Ebꞌ yin̈tilal vin̈aj Azgad, 2 mil 322 ebꞌ. Ebꞌ yin̈tilal vin̈aj Adonicam, 667 ebꞌ. Ebꞌ yin̈tilal vin̈aj Bigvai, 2 mil 67 ebꞌ. Ebꞌ yin̈tilal vin̈aj Adín, 655 ebꞌ. Ebꞌ yin̈tilal vin̈aj Ater, aton ebꞌ yin̈tilal vin̈aj Ezequías, 98 ebꞌ. Ebꞌ yin̈tilal vin̈aj Hasum, 328 ebꞌ. Ebꞌ yin̈tilal vin̈aj Bezai, 324 ebꞌ. Ebꞌ yin̈tilal vin̈aj Harif, 112 ebꞌ.

25-38 Ebꞌ yin̈tilal ebꞌ aj Gabaón, 95 ebꞌ. Ebꞌ yin̈tilal ebꞌ aj Belén yedꞌ ebꞌ yin̈tilal ebꞌ aj Netofa, 188 ebꞌ. Ebꞌ yin̈tilal ebꞌ aj Anatot, 128 ebꞌ. Ebꞌ yin̈tilal ebꞌ aj Bet-azmavet, 42 ebꞌ. Ebꞌ yin̈tilal ebꞌ aj Quiriat-jearim, Cafira yedꞌ Beerot, 743 ebꞌ. Ebꞌ yin̈tilal ebꞌ aj Ramá yedꞌ ebꞌ yin̈tilal ebꞌ aj Geba, 621 ebꞌ. Ebꞌ yin̈tilal ebꞌ aj Micmas, 122 ebꞌ. Ebꞌ yin̈tilal ebꞌ aj Betel yedꞌ ebꞌ yin̈tilal ebꞌ aj Hai, 123 ebꞌ. Ebꞌ aj schabꞌil Nebo, 52 ebꞌ. Ebꞌ yin̈tilal ebꞌ aj schabꞌil Elam, mil 254 ebꞌ. Ebꞌ yin̈tilal ebꞌ aj Harim, 320 ebꞌ. Ebꞌ yin̈tilal ebꞌ aj Jericó, 345 ebꞌ. Ebꞌ yin̈tilal ebꞌ aj Lod, ebꞌ yin̈tilal ebꞌ aj Hadid yedꞌ ebꞌ yin̈tilal ebꞌ aj Ono, 721 ebꞌ. Ebꞌ yin̈tilal ebꞌ aj Senaa, 3 mil 930 ebꞌ.

39-42 Axo jun macan̈ ebꞌ sacerdote yin̈tilal vin̈aj Jedaía yin̈tilal vin̈aj Jesúa, 973 ebꞌ. Axo ebꞌ yin̈tilal vin̈aj Imer, mil 52 ebꞌ. Ebꞌ yin̈tilal vin̈aj Pasur, mil 247 ebꞌ. Ebꞌ yin̈tilal vin̈aj Harim, mil 17 ebꞌ. 43-45 Axo ebꞌ levita yin̈tilal vin̈aj Jesúa yedꞌ vin̈aj Cadmiel, yin̈tilal pax ebꞌ vin̈ vin̈aj Hodabías, 74 ebꞌ. Ebꞌ yin̈tilal vin̈aj Asaf, ebꞌ sbꞌitani, 148 ebꞌ. Ebꞌ tan̈vum puerta, yin̈tilal vin̈aj Salum, ebꞌ yin̈tilal vin̈aj Ater, ebꞌ yin̈tilal vin̈aj Talmón, ebꞌ yin̈tilal vin̈aj Acub, ebꞌ yin̈tilal vin̈aj Hatita yedꞌ ebꞌ yin̈tilal vin̈aj Sobai, 138 ebꞌ dꞌa smasanil.

46-56 Axo ebꞌ ix munlaj dꞌa templo, aton ebꞌ yin̈tilal vin̈aj Ziha, ebꞌ yin̈tilal vin̈aj Hasufa, ebꞌ yin̈tilal vin̈aj Tabaot, ebꞌ yin̈tilal vin̈aj Queros, ebꞌ yin̈tilal vin̈aj Siaha, ebꞌ yin̈tilal vin̈aj Padón, ebꞌ yin̈tilal vin̈aj Lebana, ebꞌ yin̈tilal vin̈aj Hagaba, ebꞌ yin̈tilal vin̈aj Salmai, ebꞌ yin̈tilal vin̈aj Hanán, ebꞌ yin̈tilal vin̈aj Gidel, ebꞌ yin̈tilal vin̈aj Gahar, ebꞌ yin̈tilal vin̈aj Reaía, ebꞌ yin̈tilal vin̈aj Rezín, ebꞌ yin̈tilal vin̈aj Necoda, ebꞌ yin̈tilal vin̈aj Gazam, ebꞌ yin̈tilal vin̈aj Uza, ebꞌ yin̈tilal vin̈aj Paseah, ebꞌ yin̈tilal vin̈aj Besai, ebꞌ yin̈tilal vin̈aj Mehunim, ebꞌ yin̈tilal vin̈aj Nefisesim, ebꞌ yin̈tilal vin̈aj Bacbuc, ebꞌ yin̈tilal vin̈aj Hacufa, ebꞌ yin̈tilal vin̈aj Harhur, ebꞌ yin̈tilal vin̈aj Bazlut, ebꞌ yin̈tilal vin̈aj Mehída, ebꞌ yin̈tilal vin̈aj Harsa, ebꞌ yin̈tilal vin̈aj Barcos, ebꞌ yin̈tilal vin̈aj Sísara, ebꞌ yin̈tilal vin̈aj Tema, ebꞌ yin̈tilal vin̈aj Nezía yedꞌ ebꞌ yin̈tilal vin̈aj Hatifa.

57-59 Axo ebꞌ yin̈tilalcan ebꞌ yacꞌumal servil vin̈aj Salomón, aton ebꞌ yin̈tilal vin̈aj Sotai, ebꞌ yin̈tilal vin̈aj Soferet, ebꞌ yin̈tilal vin̈aj Perida, ebꞌ yin̈tilal vin̈aj Jaala, ebꞌ yin̈tilal vin̈aj Darcón, ebꞌ yin̈tilal vin̈aj Gidel, ebꞌ yin̈tilal vin̈aj Sefatías, ebꞌ yin̈tilal vin̈aj Hatil, ebꞌ yin̈tilal vin̈aj Poqueret-hazebaim yedꞌ ebꞌ yin̈tilal vin̈aj Amón. 60 Masanil ebꞌ ix munlaj dꞌa templo yedꞌ ebꞌ yin̈tilal ebꞌ yacꞌumal servil vin̈aj Salomón, ay 392 ebꞌ dꞌa smasanil.

61-62 A ebꞌ yin̈tilal vin̈aj Delaía, ebꞌ yin̈tilal vin̈aj Tobías yedꞌ ebꞌ yin̈tilal vin̈aj Necoda, 642 ebꞌ. Maj yal-laj schꞌoxanel sbꞌa ebꞌ tato Israel yin̈tilal ebꞌ. A ebꞌ tic ix cot ebꞌ dꞌa Tel-mela, dꞌa Tel-harsa, dꞌa Querub, dꞌa Adón yedꞌ dꞌa Imer. 63-64 A ebꞌ yin̈tilal vin̈aj Habaía, ebꞌ yin̈tilal vin̈aj Cos yedꞌ ebꞌ yin̈tilal vin̈aj Barzilai, ix yal ebꞌ to sacerdote ebꞌ. Axo ix sayji ilchaj sbꞌi ebꞌ, maj ilchajlaj bꞌaj tzꞌibꞌabꞌil sbꞌi ebꞌ chiꞌ, yuj chiꞌ maj ochlaj ebꞌ dꞌa yopisio dꞌa stemplo Dios. A vin̈aj Barzilai chiꞌ ix yicꞌlaj sbꞌa vin̈ yedꞌ jun ix yisil vin̈aj Barzilai aj Galaad, yuj chiꞌ a sbꞌi vin̈ sn̈iꞌ vin̈ chiꞌ ix ochcan dꞌay. 65 Ix yalan vin̈ yajal dꞌa Judá to max yal svaan ixim pan ebꞌ yic Dios yaji, ato junoc vin̈ sacerdote ol cꞌanbꞌan dꞌa Urim yedꞌ dꞌa Tumim tato yel yin̈tilal ebꞌ vin̈aj Aarón.

66 Ay 42 mil 360 ebꞌ anima chiꞌ dꞌa smasanil, 67 palta man̈ ayoc och ebꞌ vin̈ checabꞌ yedꞌ ebꞌ ix checabꞌ sbꞌisuloc. A ebꞌ chiꞌ 7 mil 337 ebꞌ dꞌa smasanil. Ay pax 245 ebꞌ vin̈ vinac yedꞌ ebꞌ ix ix sbꞌitani. 68 Axo nocꞌ nocꞌ: 736 nocꞌ chej, 245 nocꞌ mula, 69 435 nocꞌ camello yedꞌ 6 mil 720 nocꞌ bꞌuru.

70-72 Tzijtum anima ix yacꞌ silabꞌ yic smanchaj tas ol och yic sbꞌochajxi templo. A vin̈ yajal yaj dꞌa scal ebꞌ, 17 libra qꞌuen oro ix yacꞌ vin̈ yedꞌ 50 nivac ucꞌabꞌ scꞌanchaj dꞌa templo yedꞌ 530 pichul yic ebꞌ sacerdote. Ay ebꞌ vin̈ yajal yaj dꞌa junjun in̈tilal, ix smolbꞌej silabꞌ ebꞌ vin̈, ix yacꞌan 337 libra qꞌuen oro ebꞌ vin̈ yedꞌ 2 mil 215 libra qꞌuen plata. Axo nan̈alxo ebꞌ chon̈abꞌ ix acꞌan 337 libra qꞌuen oro, 24 quintal qꞌuen plata yedꞌ pax 67 pichul yic ebꞌ sacerdote. A juntzan̈ chiꞌ ix yacꞌ ebꞌ bꞌaj schaji silabꞌ.

73 A ebꞌ sacerdote, ebꞌ levita, ebꞌ tan̈vum puerta, ebꞌ sbꞌitani yedꞌ masanil ebꞌ anima ay dꞌa chon̈abꞌ chiꞌ, ebꞌ tzꞌacꞌvi servil dꞌa templo yedꞌ juntzan̈xo ebꞌ israel, ix laj aj ebꞌ dꞌa schon̈abꞌ junjun.