Ebꞌ ix paxta dꞌa Babilonia
2
1-2 Aton slistail ebꞌ aj Judá icꞌbꞌilbꞌat yuj vin̈aj Nabucodonosor sreyal Babilonia, ebꞌ ix jax dꞌa Jerusalén yedꞌ dꞌa juntzan̈xo lugar dꞌa yol yic Judá. Junjun ebꞌ ix cꞌochxican dꞌa schon̈abꞌ. Axo ebꞌ vin̈ cuchbꞌum dꞌa ebꞌ, aton ebꞌ vin̈ tic: Vin̈aj Zorobabel, vin̈aj Jesúa, vin̈aj Nehemías, vin̈aj Seraías, vin̈aj Reelaías, vin̈aj Mardoqueo, vin̈aj Bilsán, vin̈aj Mizpar, vin̈aj Bigvai, vin̈aj Rehum yedꞌ vin̈aj Baana.3-20 A ebꞌ yin̈tilal vin̈aj Paros, 2 mil 172 ebꞌ. Ebꞌ yin̈tilal vin̈aj Sefatías, 372 ebꞌ. Ebꞌ yin̈tilal vin̈aj Ara, 775 ebꞌ. Ebꞌ yin̈tilal vin̈aj Pahat-moab, aton ebꞌ yin̈tilal vin̈aj Jesúa yedꞌ vin̈aj Joab, 2 mil 812 ebꞌ. Ebꞌ yin̈tilal vin̈aj Elam, mil 254 ebꞌ. Ebꞌ yin̈tilal vin̈aj Zatu, 945 ebꞌ. Ebꞌ yin̈tilal vin̈aj Zacai, 760 ebꞌ. Ebꞌ yin̈tilal vin̈aj Bani, 642 ebꞌ. Ebꞌ yin̈tilal vin̈aj Bebai, 623 ebꞌ. Ebꞌ yin̈tilal vin̈aj Azgad, mil 222 ebꞌ. Ebꞌ yin̈tilal vin̈aj Adonicam, 666 ebꞌ. Ebꞌ yin̈tilal vin̈aj Bigvai, 2 mil 56 ebꞌ. Ebꞌ yin̈tilal vin̈aj Adín, 454 ebꞌ. Ebꞌ yin̈tilal vin̈aj Ater, an̈ejtonaꞌ vin̈ scuchanpax Ezequías, 98 ebꞌ. Ebꞌ yin̈tilal vin̈aj Bezai, 323 ebꞌ. Ebꞌ yin̈tilal vin̈aj Jora, 112 ebꞌ. Ebꞌ yin̈tilal vin̈aj Hasum, 223 ebꞌ. Ebꞌ yin̈tilal vin̈aj Gibar, 95 ebꞌ.
21-35 Ay ebꞌ yin̈tilalcan ebꞌ anima ecꞌnac cajan dꞌa juntzan̈ chon̈abꞌ ix meltzajpaxi, aton ebꞌ tic: Ebꞌ aj Belén, 123 ebꞌ. Ebꞌ aj Netofa, 56 ebꞌ. Ebꞌ aj Anatot, 128 ebꞌ. Ebꞌ yin̈tilal vin̈aj Azmavet, 42 ebꞌ. Ebꞌ aj Quiriat-jearim, ebꞌ aj Cafira yedꞌ ebꞌ aj Beerot, 743 ebꞌ. Ebꞌ aj Ramá yedꞌ ebꞌ aj Geba, 621 ebꞌ. Ebꞌ aj Micmas, 122 ebꞌ. Ebꞌ aj Betel yedꞌ ebꞌ aj Hai, 223 ebꞌ. Ebꞌ yin̈tilal vin̈aj Nebo, 52 ebꞌ. Ebꞌ yin̈tilal vin̈aj Magbis, 156 ebꞌ. Ebꞌ ecꞌnac dꞌa junxo scuchan Elam, mil 254 ebꞌ. Ebꞌ aj Harim, 320 ebꞌ. Ebꞌ aj Lod, ebꞌ aj Hadid yedꞌ ebꞌ aj Ono, 725 ebꞌ. Ebꞌ aj Jericó, 345 ebꞌ. Ebꞌ aj Senaa, 3 mil 630 ebꞌ.
36-39 Axo ebꞌ sacerdote, ebꞌ yin̈tilal vin̈aj Jedaías, aton ebꞌ yin̈tilal vin̈aj Jesúa, 973 ebꞌ. Ebꞌ yin̈tilal vin̈aj Imer, mil 52 ebꞌ. Ebꞌ yin̈tilal vin̈aj Pasur, mil 247 ebꞌ. Ebꞌ yin̈tilal vin̈aj Harim mil 17 ebꞌ.
40-42 Ebꞌ levita yin̈tilal vin̈aj Jesúa yedꞌ ebꞌ yin̈tilal vin̈aj Cadmiel, a ebꞌ chiꞌ yin̈tilal pax ebꞌ vin̈aj Hodabías, 74 ebꞌ. Ebꞌ yin̈tilal vin̈aj Asaf sbꞌitani, 128 ebꞌ dꞌa smasanil. Ebꞌ tan̈vum puerta, aton ebꞌ yin̈tilal vin̈aj Salum, ebꞌ yin̈tilal vin̈aj Ater, ebꞌ yin̈tilal vin̈aj Talmón, ebꞌ yin̈tilal vin̈aj Acub, ebꞌ yin̈tilal vin̈aj Hatita yedꞌ ebꞌ yin̈tilal vin̈aj Sobai, 139 ebꞌ dꞌa smasanil.
43-54 Axo ebꞌ smunlaj dꞌa templo, aton ebꞌ yin̈tilalcan ebꞌ vin̈ ol bꞌinaj tic: Vin̈aj Ziha, vin̈aj Hasufa, vin̈aj Tabaot, vin̈aj Queros, vin̈aj Siaha, vin̈aj Padón, vin̈aj Lebana, vin̈aj Hagaba, vin̈aj Acub, vin̈aj Hagab, vin̈aj Salmai, vin̈aj Hanán, vin̈aj Gidel, vin̈aj Gahar, vin̈aj Reaía, vin̈aj Rezín, vin̈aj Necoda, vin̈aj Gazam, vin̈aj Uza, vin̈aj Paseah, vin̈aj Besai, vin̈aj Asena, vin̈aj Meunim, vin̈aj Nefusim, vin̈aj Bacbuc, vin̈aj Hacufa, vin̈aj Harhur, vin̈aj Bazlut, vin̈aj Mehída, vin̈aj Harsa, vin̈aj Barcos, vin̈aj Sísara, vin̈aj Tema, vin̈aj Nezía yedꞌ pax vin̈aj Hatifa.
55-57 Ay pax ebꞌ yin̈tilalcan ebꞌ acꞌjinac servil vin̈aj Salomón, aton ebꞌ yin̈tilal ebꞌ vin̈ ol bꞌinaj tic: Vin̈aj Sotai, vin̈aj Soferet, vin̈aj Peruda, vin̈aj Jaala, vin̈aj Darcón, vin̈aj Gidel, vin̈aj Sefatías, vin̈aj Hatil, vin̈aj Poqueret-hazebaim yedꞌ pax vin̈aj Ami. 58 Masanil ebꞌ tzꞌacꞌvi servil dꞌa scajnubꞌ Dios yedꞌ pax yin̈tilal ebꞌ acꞌjinac servil vin̈aj Salomón, 392 ebꞌ dꞌa smasanil.
59-60 A vin̈aj Delaías yedꞌ ebꞌ yin̈tilal vin̈aj Tobías yedꞌ ebꞌ yin̈tilal vin̈aj Necoda, 652 ebꞌ. A ebꞌ tic ix cot ebꞌ dꞌa Tel-mela, dꞌa Tel-harsa, dꞌa Querub, dꞌa Addán yedꞌ dꞌa Imer. A ebꞌ tic, maxtzac yal-laj schꞌoxanel sbꞌa ebꞌ tato yin̈tilal Israel ebꞌ. 61-62 A ebꞌ yin̈tilal vin̈aj Habaía, ebꞌ yin̈tilal vin̈aj Cos yedꞌ ebꞌ yin̈tilal vin̈aj Barzilai, ix yal ebꞌ to sacerdote ebꞌ, palta malaj bꞌaj tzꞌibꞌabꞌilcani tato yin̈tilal sacerdote ebꞌ. Yuj chiꞌ maj chajioch ebꞌ dꞌa opisio dꞌa sacerdoteal. A vin̈aj Barzilai chiꞌ, ix yicꞌlaj sbꞌa vin̈ yedꞌ jun ix yisil jun vin̈ aj Galaad scuchan Barzilai, yuj chiꞌ a sbꞌi vin̈ sn̈iꞌ vin̈ chiꞌ ix ochcan dꞌay. 63 Ix yalan vin̈ yajal yaj dꞌa ebꞌ to max yal svaan vael ebꞌ yic Dios yaji, masanto yic ol yil junoc vin̈ sacerdote dꞌa Urim yedꞌ Tumim yic scheclaji tato yel yin̈tilal sacerdote ebꞌ.
64-67 Junn̈ej ix aj ebꞌ anima chiꞌ smasanil, 42 mil 360 ebꞌ. Chꞌoc pax yaj ebꞌ vin̈ checabꞌ yedꞌ ebꞌ ix checabꞌ, 7 mil 337 ebꞌ dꞌa smasanil, chꞌoc pax yaj 200 ebꞌ vin̈ vinac yedꞌ ebꞌ ix ix sbꞌitani. Ay pax 736 nocꞌ chej, 245 nocꞌ mula, 435 nocꞌ camello yedꞌ 6 mil 720 nocꞌ bꞌuru.
68 Ayic ix cꞌoch ebꞌ dꞌa Jerusalén, ay juntzan̈ ebꞌ yajal dꞌa scal ebꞌ, ix yacꞌ silabꞌ ebꞌ yuj sbꞌochajxi scajnubꞌ Jehová bꞌaj ayecꞌ dꞌa pecaꞌ. 69 Icha syal jantac ix techaj yuj ebꞌ, a ix yacꞌ ebꞌ yic sbꞌochajxi templo chiꞌ. Mil 30 libra qꞌuen oro ix yacꞌ ebꞌ yedꞌ 5 mil 740 libra qꞌuen plata yedꞌ 100 pichul yic ebꞌ sacerdote.
70 A ebꞌ sacerdote, ebꞌ levita sbꞌitani, ebꞌ tan̈vum puerta yedꞌ ebꞌ smunlaj dꞌa templo yedꞌ juntzan̈xo ebꞌ chon̈abꞌ, ix cajnajcan ebꞌ dꞌa Jerusalén chiꞌ. Axo masanil ebꞌ yetisraelal ebꞌ chiꞌ, ix bꞌat cajnajxican junjun ebꞌ bꞌaj ecꞌnac ebꞌ smam yicham ebꞌ dꞌa pecaꞌ.