Rë wech Jesús ngayilat bixaꞌ Jesús
7
Or milox midiꞌzh Jesús rë kureꞌ,
nikizë Jesús lazh men Galilea;
no gat nzhaklat Jesús yo Me lazh men Judea,
porke zeꞌ rë xaꞌ nak zhiꞌn Israel kikwaꞌn bixaꞌ Me par gut bixaꞌ Me,
2 no nzhazhin gax la lani cheꞌn rë men Israel,
or nizuxkwaꞌ bixaꞌ rranch,
Los líderes judíos quieren matar a Jesús (Juan 7.1-24)
―Nayaꞌntal reꞌ;
wa lazh men Judea,
par nu rë men cheꞌnal xaꞌ nzhin baꞌ,
ne bixaꞌ rë zhiꞌn nazhon kwaꞌn nileꞌl baꞌ,
4 porke or nzhakla tu men xoꞌb xtiꞌzh xaꞌ,
gat nileꞌt xaꞌ cheꞌn xaꞌ nagaꞌch;
kuzeꞌ chi lëꞌl kileꞌ rë zhiꞌn baꞌ,
bileꞌi lo rë nak men yizhyuo.
―Par go rë or wen,
per par na gat gal or yan lani.
7 Rë men yizhyuo reꞌ,
gat niyiꞌt bixaꞌ nine bixaꞌ go;
per na niyiꞌ bixaꞌ nine bixaꞌ,
por nidizha rë kwaꞌn gat lëꞌ nileꞌ bixaꞌ.
8 Go wa lani baꞌ.
Na nayat,
porke gat gal or yan.
9 No or milox midiꞌzh Jesús kureꞌ,
ngulëzraꞌ Me xcheꞌp lazh men Galilea.
Nzo Jesús lani kwaꞌn lë “La rranch”
10 No or nzha la rë wech Jesús lani zeꞌ,
orzeꞌ nu Jesús ngwa lani reꞌ xlaꞌn,
11 no rë xaꞌ nak zhiꞌn Israel,
kikwaꞌn bixaꞌ Jesús lo lani zeꞌ,
nzhab bixaꞌ:
―¿Ma miyiꞌ zeꞌ reꞌ?
12 Xid rë men zeꞌ,
rë mod nizeꞌt bixaꞌ Jesús,
nzho bixaꞌ kidiꞌzh:
“Wenka Jesús”,
mbaino más bixaꞌ kidiꞌzh:
“Aꞌa,
nikide xaꞌ zeꞌ men.”
13 Ter rë men kizeꞌt xmod nak Jesús,
per xlaꞌn kidiꞌzh bixaꞌi por nizheb bixaꞌ lo rë men xaꞌ nzo lo rë men Israel,
14 per mer garol la nzha lani,
lëꞌchi nguio Jesús leꞌn yadoꞌ,
nguzublo Me kiluꞌ Me widiꞌzh cheꞌn Dios lo rë men nzhin zeꞌ,
15 orzeꞌ rë men Israel xaꞌ nileꞌ mandad nzhin zeꞌ,
xe miaꞌn bixaꞌ tuli no nzhab bixaꞌ:
―¿Plo mitseꞌd kureꞌ,
tatu nazheꞌb nzhak xaꞌ,
rëi nane xaꞌ,
mbaino nangat xaꞌ skwel?
16 Orzeꞌ nzhab Jesús:
―Rë widiꞌzh kwaꞌn nilun lo go,
gat lëꞌt chedai;
cheꞌn Dios Me mixëꞌl dai.
17 Chi nzho tu men nzhakla,
leꞌ kwaꞌn nzhakla Dios;
orzeꞌ ne xaꞌ plo nzë kwaꞌn nilun lo go;
chi lo Diose,
o por xigab yekai.
18 Men xaꞌ nidiꞌzh por mis lëꞌ xaꞌ,
nidiꞌzh xaꞌ par yët xaꞌ wen namás;
per xaꞌ nikwaꞌn diꞌzh men wen por xaꞌ mixëꞌl xaꞌ yizhyuo reꞌ,
xaꞌ zeꞌ se nidiꞌzh nab tsa kwaꞌn nzhakla xaꞌ mixëꞌl xaꞌ,
no yent cho widiꞌzh mbël nzho laxtoꞌ xaꞌ.
19 No,
¿chi nanganeꞌt Muisés ley,
kaꞌo?
Mbaino,
¿chon ni tu go gat nileꞌt kwaꞌn nzobniꞌ lo ley?
No,
¿chon nzhakla go gut go da orzeꞌ?
20 Orzeꞌ nzhab rë men nzhin zeꞌ:
―¡Tu mbi mal nzenal!
¿Kwan nidiꞌzhal?
¿Cho nzhakla gutal?
21 Orzeꞌ nzhab Jesús:
―Por milen tu kwaꞌn nazhon,
zhë kwaꞌn nileꞌ go diskans,
kuzeꞌ rë go niwiꞌ nayiꞌ lon.
22 Per nu go nileꞌ zhiꞌn,
ter zhë kwaꞌn nayiꞌ kë men Israel zhiꞌn.
Lëꞌ Muisés mizobniꞌ lo ley,
nakiꞌn këꞌ go señ kwerp cheꞌn xgaꞌn go (ter gat lëꞌt Muisés ngulo ley reꞌ,
sino ke rë xuz go xaꞌ nzhala nguloi),
no ter zhë reꞌ nileꞌ go kureꞌ,
nikëꞌ go señ plo nak xaꞌ miyiꞌ.
23 No chi par leꞌ go kwaꞌn nzobniꞌ lo ley,
nikëꞌ go señ kwerp cheꞌn men,
ter zhë kwaꞌn nileꞌ go diskans;
orzeꞌ,
¿chon niyiꞌ go por miliyaka tu men mis zhë reꞌ?
24 Nadiꞌzht go kwan nak tu men por xmod niluꞌ xaꞌ namás,
sin naga ne go,
chi walika nzhap xaꞌ dol.
Jesús midiꞌzh plo nzë Me
25 Orzeꞌ nguzublo minaꞌbdiꞌzh pla men yezh Jerusalén,
nzhab bixaꞌ:
―¿Chi gat lëꞌt xaꞌ baꞌ,
xaꞌ kikwaꞌn rë xaꞌ nak zhiꞌn,
par gut bixaꞌ miyiꞌ baꞌ?
Los líderes tratan de arrestar a Jesús (Juan 7.25-53)
26 No kidiꞌzh miyiꞌ lo rë nak men,
mbaino yent kwan nzhab rë xaꞌ nak zhiꞌn lo xaꞌ.
¿Pas nu rë xaꞌ nak zhiꞌn baꞌ,
ngwayila la,
lëꞌ miyiꞌ baꞌ nak Krist?
27 Per be nane ka plo nzë miyiꞌ baꞌ;
per or yiꞌd xaꞌ nak Krist,
yent cho nane plo yiꞌd xaꞌ.
28 No mer kiluꞌ Me widiꞌzh cheꞌn Dios leꞌn yadoꞌ,
lëꞌchi mbin Me kwaꞌn nzhab rë xaꞌ reꞌ,
orzeꞌ naye midiꞌzh Me,
nzhab Me lo rë xaꞌ nzhin zeꞌ:
―Go,
ter niwiꞌ go lon,
per nanet go cho da,
mbaino ni nane go plo nzhala.
Per gat nzhalta por xigab yeka,
sino ke nzho ka tu Me mixëꞌl da,
no Me reꞌ Me ñal yila go;
ter gat nilibeꞌt go Me.
29 Per na nilibeꞌ ka Me,
porke lo Me nguroꞌn,
no lëꞌ Me mixëꞌl da.
30 Orzeꞌ ngokla pla rë men zeꞌ ngazen bixaꞌ Jesús,
per ni tu bixaꞌ nangayet la ngaleꞌi,
porke gat gal or cheꞌn Me,
31 per nayax men nzhin zeꞌ ngwayila bixaꞌ Jesús,
no nzhab bixaꞌ:
―Taxa,
¿chi másraꞌ rë kwaꞌn nazhon leꞌ Krist or yiꞌd Krist ke lo xaꞌ reꞌ?
Mixëꞌl rë men fariseo pla men par ngazen bixaꞌ Jesús
32 No or mbin rë men fariseo kwaꞌn kidiꞌzh rë men,
orzeꞌ rë men fariseo zeꞌ kun rë ngulëiꞌ xaꞌ nileꞌ mandad,
mixëꞌl bixaꞌ pla xaꞌ nikina yadoꞌ par ngazen bixaꞌ Jesús,
ngago bixaꞌ Me lizhyiꞌb,
33 orzeꞌ nzhab Jesús lo rë xaꞌ zeꞌ:
―Xcheꞌptsa nzon kun go,
lëꞌda biꞌ la lo Me mixëꞌl da yizhyuo reꞌ;
34 lëꞌ go kwaꞌn da per nayazhëꞌlt go da,
porke nagakt yiꞌd go plo yoꞌn.
35 Orzeꞌ nguzublo kinaꞌbdiꞌzh bixaꞌ lo wech bixaꞌ,
nzhab bixaꞌ:
―¿Plo bi xaꞌ reꞌ,
mbaino nayazhëlt be xaꞌ?
¿Pas plo nzhin rë men Israel,
xaꞌ nzho lazh men grieg bi xaꞌ,
par luꞌ xaꞌi lo rë xaꞌ zeꞌ?
36 ¿Kwan gab widiꞌzh kwaꞌn ne kureꞌ lo be:
“Lëꞌ go kwaꞌn da per nayazhëꞌlt go da,
porke nagakt yiꞌd go plo yoꞌn”?
Youꞌ kwaꞌn nizaꞌ yalnaban
37 No lult zhë lani zeꞌ,
nak zhë kwaꞌn más tsak,
no zhë zeꞌ dox naye midiꞌzh Jesús lo rë men Israel xaꞌ nzhin zeꞌ,
nzhab Me:
―¡Cho go nizëiꞌ laxtoꞌ,
yiꞌd go lon par go go nits kwaꞌn nizaꞌ yalnaban par dubtaꞌ!
38 Nela xmod nzobniꞌ ka lo Yech cheꞌn Dios,
laxtoꞌ xaꞌ yila da,
gak nela leꞌn tu youꞌ plo nilen nits kwaꞌn nizaꞌ yalnaban par dubtaꞌ.
39 Saꞌ midiꞌzh Jesús par nzhab Me xmod gak kun rë xaꞌ yila Me,
lëꞌ Sprit cheꞌn Dios yo laxtoꞌ bixaꞌ;
porke nagataꞌ xëꞌl Dios Sprit cheꞌn Dios,
porke lëꞌ Jesús nagataꞌ bi lo yibëꞌ.
Mileꞌ Jesús milëꞌ men
40 No pla rë xaꞌ nzhin zeꞌ,
or mbin bixaꞌ rë kwaꞌn midiꞌzh Jesús,
orzeꞌ nzhab bixaꞌ:
―Walika miyiꞌ baꞌ nak xaꞌ nidiꞌzh por Dios,
xaꞌ nak diꞌzh yiꞌd,
nela xmod nzobniꞌ ka lo Yech cheꞌn Dios.
41 No más bixaꞌ nzhab:
―Lëꞌka Me baꞌ nak Krist,
Me kimbëz be yiꞌd.
Per zipla men nzhab:
―Per gat lëꞌt xaꞌ baꞌ nak Krist,
porke nagakt yiꞌd Krist lazh men Galilea,
42 porke lo Yech cheꞌn Dios nzobniꞌ,
lëꞌ Krist nakiꞌn yiꞌd ben cheꞌn Dabi,
no yezh Belén nakiꞌn gal Me,
plo ngok ska lazh rey Dabi.
43 No por kuzeꞌ,
rë men nzhin zeꞌ,
ziyën xigab mileꞌ bixaꞌ por Jesús.
44 Nzho bixaꞌ ngokla,
ngakëꞌ Jesús lizhyiꞌb,
per ni tu bixaꞌ nangayet laxtoꞌ ngaleꞌi.
Rë xaꞌ nak zhiꞌn nangayilat bixaꞌ, lëꞌ Jesús nak Krist
45 Orzeꞌ miëkska rë xaꞌ nikina yadoꞌ zeꞌ,
plo nzhin rë men fariseo,
no kun rë xaꞌ nileꞌ mandad lo rë ngulëiꞌ,
orzeꞌ minaꞌbdiꞌzh rë xaꞌ reꞌ,
nzhab bixaꞌ:
―¿Chon nangayiꞌdnu go miyiꞌ zeꞌ?
46 Orzeꞌ nzhab rë xaꞌ nikina yadoꞌ zeꞌ:
―¡Yent cho nidiꞌzh nela xaꞌ reꞌ gaꞌ!
47 Orzeꞌ nzhab rë men fariseo zeꞌ:
―¿Chi nu go milaꞌ mikide xaꞌ baꞌ go?
48 Porke nagat yila tu rë xaꞌ nzo lo no xaꞌ baꞌ,
no ni tu rë xaꞌ fariseo,
nagate.
49 ¡Per rë men reꞌ,
rë bixaꞌ nanet kwan nzobniꞌ lo ley,
kuzeꞌ rë bixaꞌ nzhiꞌbde!
50 No Nicodemo,
xaꞌ ngwatsiꞌ lo Jesús or yëꞌl,
nu xaꞌ reꞌ nak tu men fariseo no nzho xaꞌ xid rë men zeꞌ;
orzeꞌ nzhab xaꞌ:
51 ―Per lo yech cheꞌn be nzobniꞌ,
nagakt këꞌ be kixuꞌ tu men sin naga ne be kwan mileꞌ xaꞌ.
52 Orzeꞌ ndil bixaꞌ Nicodemo,
nzhab bixaꞌ:
―¡O nul nzë lazh men Galilea!
Biwiꞌ lo Yech cheꞌn Dios par nel,
lëꞌ yezh Galilea,
laltaꞌ nagat roziꞌ tu xaꞌ nidiꞌzh por Dios.
Kwent cheꞌn tu unaꞌ kwaꞌn ngwagaꞌ kun xtu miyiꞌ
53 Orzeꞌ kad bixaꞌ ña lizh bixaꞌ.