à hã ibaihâ hã Pedru te te irob'ui'éré hã Zezusihi zazei'wa norĩ daro mono bâ, 're isi'ubumroi mono norĩ ma, ma tô rob'ui'éré, isazei'wa 're nomro mono 'ru te, da te tãma 're irob'manharĩ wasété za'ra mono norĩ ma. Isazei'wa norĩ hã danhib'rata te te 're robzépata za'ra mono wa, ma tô Pedru tinhimi'ui'éré na pẽ'ẽhiri za'ra. Taha na ma tô pawaptob za'ra, siptete sina Zezusihi ãma si 're nomro mono da. Cristu hã wanhowa te te irobzépata na hã ma tô duré tãma waihu'u za'ra, duré wa norĩ hã isiré 're wanomro mono wa, za isine wa te 're irobzépata za'ra mono na hã. Ãne ma tô duré tãma waihu'u za'ra: 'Re ihâimana u'âsi mono hã ma tô te te 're aipibu za'ra wa'wa, tô sena 're umnhasi za'ra wa'aba mono zô.