à hã ibaihâ na Pedru hã ma tô duré rob'ui'éré, Zezusihi zazei'wa norĩ ma, senai'õ na rowasu'u'wa norĩ hã dawazari 're ihâimana za'ra mono norĩ mreme hã te te 're wapari za'ra mono tõ da. Ta norĩ hã sadawa nhipese sina ma tô te te 're rowasu'u za'ra, Zezusi hã za apâ we imorĩ õ na hã. Tahawa, ma tô Pedru hã tãma waihu'u za'ra, 'Re ihâimana u'âsi mono hã da'ãma 're iwa'a su'u mono õ zém na hã. Ta hã ma tô te te sima 're da'awẽ, i'ra hã da te dasina 're umnhasi za'ra mono da, uburé. Senai'õ na rowasu'u'wa norĩ hã wasété uptabi na te 're hâimana za'ra. Taha na ma tô sitẽme te te 're dapizari za'ra. Tahawa, Pedru hã ma tô ta norĩ ãma tãma rob'ui'éré za'ra, nimahã bâtâ na 'Re ihâimana u'âsi mono hã za ta norĩ te te ihâ za'ra na hã, duré isine 're idahâimana za'ra mono norĩ zama.