à hã ibaihâ na rob'ui'éré'wa hã Tiagu na isisi. Ta hã, Zezusihi no (Marcus 6.3). Atu 21.18 ãma hã ma tô Tiagu hã wasu'u, ãne: Zeruzalẽ ãma isazei'wa norĩ 'madâ'â'wa. Ta hã ma tô 'Re ihâimana u'âsi mono nhib'a'uwẽ norĩ ma rob'ui'éré hã tisõ, da te ãma 're rob'manharĩ wasété za'ra mono wa, daro mono bâ te te iropéi mono norĩ ãma hã. Tiagu hã ma tô Wamama zazei'wa norĩ ma waihu'u za'ra, Zezusi hã te te sina 're i'umnhasi za'ra mono zém na taré dama 're siwasu'u za'ra mono tõ da, i'uwaibaba na si 're hâimana za'ra mono õ nherẽ. Ni'wam norĩ hã sena na Zezusi hã te te sina 're umnhasi pese za'ra mono wamhã, isiré u'âsi te za tô 're hâimana wẽ za'ra.