à hã ibaihâ na rob'ui'éré hã Zudeu norĩ ma hã, Zezusihi zazei'wa 're ihâimana za'ra mono norĩ ma. Ebreu hã Zudeu norĩ waptẽrẽzé hâiba amo. à hã ibaihâ na rob'ui'éré'wa hã ni'wa hã te te waihu'u õ di.

Zudeu norĩ Zezusihi zazei'wa norĩ hã ma tô te te 're robzépata za'ẽtẽ za'ra, isiré Zudeu norĩ hã te te siwi 're wẽ'õ za'ra mono wa, 'Re ihâimana u'âsi mono nhimiroti 'rata na rob'ui'éré hã te te oto 're 'madâ'â za'ra mono õ newa. Tahawa, ma tô Ebreu na rob'ui'éré'wa hã isazei'wa norĩ ãma tihâtâ'â, Zudeu norĩ nhimizaze 'rata u apâ sipizari za'ra õ'umnhasite. Ma tô duré dama waihu'u za'ra, Zezusi hã 'Re ihâimana u'âsi mono 'ra uptabi na hã. Ta hã hâiwa ãma romhuri'wa norĩ ma, pire uptabi di, ti'ai ãma uburé 'Re ihâimana u'âsi mono ma romhuri'wa norĩ ma zama, Mozésihi ma, duré Zozuéhé ma zama.

Ma tô duré dama waihu'u za'ra, ãne: Zezusi hã dazada isisõmrizé hã danhipai u wẽ uptabi di, 'Re ihâimana u'âsi mono ma, danhimizama dasi'udâna da te tãma 're isõmri za'ra mono na hã.

Capitulu 11 ãma hã ma tô duré wama sisi nhoré za'ra, ni'wam norĩ hã 'Re ihâimana u'âsi mono si te te sina 're i'umnhasi za'ra mono zém na hã, te te 're robzépata za'ẽtẽ za'ra mono nherẽ.