1 Tesalonita
Tesalonita ãma isazei'wa norĩ ma, Paulu te te irob'ui'éré na'rata zé
Ibaihâi wasu'uzé
Paulu norĩ hã Tesalonita u si'aba'réi wamhã, da'ahâ na ma tô saze za'ra ni, isimiromhuri za'ra na. Tane nherẽ, Zudeu norĩ Zezusihi zazei'õ'wa norĩ hã ma tô sada tihâimana za'ra, te te siwi pãrĩ da. Tahawa, Paulu norĩ hã ma tô dahawi aimani zahuré, Silaha me, Beréa na 'ri nho'õmo nhisi u. Tane nherẽ, Zudeu norĩ hã ma tô isarina zahuré ai'aba'ré, Tesalonita hawi (Atu 17.1-13). Tawamhã ãma ronomro wapsi, Timotiu hã ma tô Tesalonita ãma isazei'wa norĩ wasu'u wẽ hã tãma ãwisi zahuré, Paulu norĩ ma, Corĩtu ãma hâimana zahuré ré. Tahawa, Paulu hã ma tô Tesalonita ãmam norĩ ma rob'ui'éré, 'Re ihâimana u'âsi mono ãma siptete sina 're inomro mono na iwasu'u za'ra hã te te wapari wa, ãma tãma irowẽ watobrozém na hã.
Ma tô duré pawaptob za'ra, isisãnawã norĩ hã tiwi 're idâ'â za'ra mono norĩ wi, 're robzei'õ za'ra mono tõ da, Zezusi hã apâ we imorĩzéb zô, wato sina 're wanhimipari za'ra mono dâ'âsina.