Paulu hã darob amoi ãma dazazéb 're sab siromo, ma tô rowasu'u hã wapa, Zezusihi zazei'wa norĩ ma, roti senai'õ na da te tãma 're irowasu'u za'ra mono zém na hã, Colosu ãma 're isi'ubumroi mono norĩ ma. Tahawa, Paulu hã ma tô Colosu norĩ ma rob'ui'éré za'ra, roti senai'õ wi, te te uwati za'ra da. Ma tô duré tãma roti za'ra, Zezusi hã apâ te te saze za'ra da, Epafrasi hã imorĩ'rata na te te tãma iwaihu'u za'ra zéb zarina. Epafrasi hã Colosu ãma isazei'wa norĩ 'madâ'â'wa, ta hã. Paulu hã ma tô duré tãma waihu'u za'ra, ãne: Zezusihi si siminho'reptu waihu'u pese di. Duré taha si dawasédé hã te te dama 're apari waihu'u pese mono di.