Paulu hã Tesalonita ãma Zezusihi zazei'wa norĩ ma, imorĩ'rata na te te rob'ui'éré pari, ma tô duré tinhimi'ui'éré na ãma tãma sahu za'ra, maparane ãma.

Ni'wam norĩ hã Tesalonita ãma 're isi'ubumroi mono norĩ hã ma tô te te dama 're rowasu'u za'ra, Zezusi hã apâ we imorĩ pari na hã. Nima norĩ hã te te duré 're rowasu'u za'ra, Zezusi hã apâ we imorĩzéb u hã oto iromhuture na hã. Tahawa, ma tô danhimiromhuri hã da te 're sahâri za'ra. Tahawa, ma tô 'ri baba 're idahâimana za'ra mono na si dawi 're dahâimana za'ra, dasa na Zezusihi zô 're simipari za'ra mono sina. Tahawa, ma tô Paulu hã tãma roti za'ra, ãne na 're hâimana za'ra mono tõ da.

Ma tô duré tãma waihu'u za'ra, rowasédé hã duré dawasédé hã Satanasihi nhiptete zarina za isa'ẽtẽ u'âsi mono na hã, Zezusi apâ za we imorĩzéb u hã. Tamemhã 'Re ihâimana u'âsi mono si te za oto ãma ai'uté, Satanasi ãma hã. Isiptede hã te za oto tiwi uprosi.