à hã ibaihâ hã Paulu ma tô tisõ Zezusihi zazei'wa norĩ ma, Éfézu na 'ri nho'õmo nhisi u. Tame ma tô Paulu hã aré 're sãmra. Maparane wahum na, 'Re ihâimana u'âsi mono zadawa wasu'u na te te dama 're rowahutu mono ré hã, ma tô ãma tiwahu. Ãma ronomro wapsi, ma tô ã hã ibaihâ na tãma ãma rob'ui'éré za'ra, 'ri nho'õmo amoi hawi, dazazéb 're hâimana siromo. Capitulu 1-3 ãma hã Paulu hã ma tô dama waihu'u, Zezusihi zazei'wa norĩ hã misi haré simisutu 're hâimana za'ra mono da, Zudeu norĩ hã duré zudeu'õ norĩ zama, sina 're siwanhizari za'ra mono ãna, Zezusi hã uburé zada dâ'â wa, duré 'Re ihâimana u'âsi mono Pẽ'ẽzani hã ipẽ'ẽ 're, 're sãmra za'ra mono wa, aiwa. Capitulu 4-6 ãma hã ma tô duré dama waihu'u, 're idanomro mono zé itém na hã. Ma tô duré tãma roti za'ra, damama norĩ ma, duré da'ra norĩ ma, duré damro norĩ ma, dama romhuri'wa norĩ ma zama, i'uwaibaba tisiré norĩ ma, 're hâimana za'ra mono da.