Awirai kerinia rovo pas vemona beya kovatironki veka bia nape pas vemona kareꞌe vai. Bia emo pas vemona kareꞌe emo karinaka ya veku veka “hetman” vo sios ya God. Awirai prumo vo histori vo Kristen sios kwiriraiꞌvo veka pas emo kokai riya Cha Jon. Cha Jon emo, ya aposel vemona kaporokeya revo Jisas tah boꞌo ya. Prumo yei saveman vo Baibel kekinakina veka Cha Jon veku pas vemona kareꞌe konoi roiy aro bombiam vo sios raꞌa tah karina sios vemona veka “bia bom biꞌiy” tah vo “rou” vo sios raꞌa kwinia bo vemona Cha Jon kakei emo. Cha Jon karao va neperepoiy revo aro ovu yah ovanekina revo poiy aro tore. Aro tore emo em aro yei awirai ya God-a kepaulim tah kebagarapim poaka. Taim Cha Jon pas vemona kasalim, aposel prumo ya Jisas ero keviri veꞌen. Yah taim vemona, tisa tore prumo inia ketowa tah ruru yei aro Kristen-a kepaulim vora pa nepekey rore ruru taipo rova Jisas. Korao veka tah pas vemona va kupuana noroiy aro Kristen va neropi kupuana po bilip. Yah baunke pa nepeke awirai awaka ya God keko veꞌen ato titja ero tah baunke kwinia kokai kuiniari mare yah nekepi veka kura awaka ya God. Yah pas vemona, Cha Jon ruru awaka karoiy aro Kristen va kamo netipe peiy tisa tore.