Awirai kerinia rovo pas vemona beya kovatironki veka nape pas vemona kareꞌe. Bia emo pas vemona kareꞌe emo karinaka ya veku veka “hetman” vo sios ya God. Awirai prumo vo histori vo Kristen sios kwiriraiꞌvo veka pas emo kokai riya Cha Jon. Cha Jon emo, ya aposel vemona kaporokeya revo Jisas-a kakuke. Cha Jon pas vemona kareꞌe konoi roa Cha Gaius. Cha Gaius emo kasave pasin neman-a karao tah kaorerariy aro Kristen bombiam vo sios ya Cha Jon nape kesave kepepeo bo vemona tah kenopi boko raꞌa vora awirai awaka ya God-a niriraiꞌvo po awoꞌo ya Jisas Krais.

Cha Jon pas vemona kareꞌe vora kupuana karoa Cha Gaius ro pasin vo kaorerariy aro Kristen nape boꞌo ya Biapako kepao ero. Taim nemao veka, kemiritao bilip memi yah kamave aro wanwok ya God taim nemalpim yei aro nape boꞌo ya God-a kepao ke awirai awaka ya chiriraiꞌvo. Pas vemona, Cha Jon kupuana karoa Cha Gaius va nanoiy kupuana ro pasin vo nalpim yei aro Kristen. Yah raꞌa vo minia Cha Jon kupuana karoa Cha Gaius va beya pa nereke pasin ya hetman vo sios raꞌa, awoꞌo ya Cha Diotrefes. Bia emo beya kasave pasin neman-a karao tah beya kasave kako yei Kristen ovu voro kesave kekape awirai ya God-a chiriraiꞌvo ero kenopi pova oꞌro ya vai. Yah Cha Jon bio raꞌa awoꞌo karinaka minia, awoꞌo ya Cha Demitrius tah pasin ya kosave koriritao revo vatiron veka kasave ya God. Korao veka tah ku pako vo pas vemona em va kupuana noro pasin vo bilip tah nemeremoiy aro ovu yah kamo nemuriki moiy Kristen ovu va awirai awaka ya God niriraiꞌvo.