Cha Filemon, bia emo ya biabiꞌiy raꞌa. Bia emo ya Kristen raꞌa vo mataimon Kolosi. Wokboi ya raꞌa awoꞌo ya Cha Onesimus, karereiya yah kanoi kakei mataimon raꞌa. Yah mataimon vemona kanoi kakei emo, kavakakeiya Cha Pol, yah kope Cha Pol kalpim ya tah kasave ya Biapako yah kabilip. Yah kakei veka Kristen raꞌa. Taim vemona Cha Pol kakalabus Rom tah beya kuiniari nanoi nayaraka Cha Filemon vai. Toh pas-a raꞌa kareꞌe yah karoa Cha Onesimus yah kako kanoi karoa bos ya. Yah awirai kerinia pas vemona, Cha Pol kairai roa Cha Filemon veka beya natovia wokboi ya vai. Emo korao veka, wokboi ya ve mare kabilip rova Biapako yah kakei veka Kristen. Korao veka tah ro awoꞌo ya Biapako Jisas, Cha Filemon va nako ya varu yah napirikeiya veka raꞌai awaka ya.