Cha Taitus beya bia Juda vai. Toh taim kabilip rova Biapako Jisas tah kakei veka Kristen, kalpim ya Cha Pol taim boꞌo aposel ya karao. Korao veka tah Cha Pol karereya Cha Taitus kakei ailan Krit vora boꞌo vo sios-a naorerari. Pas vemona awirai kwinia cha vo kwirai veka pasin yei aro ailan Krit beya koneman revo vai. Korao veka tah bio karao nanoi roiy aro bombiam-a cha tah boꞌo vo sios, va pa narekere pon pasin neman. Yah kope, Cha Pol kariritaka Cha Taitus ro rara vo skul-a naroiy aro bombiam. Aro bombiam veka voro kepawope, yah aro bombiam yangpla tah aro wokboi kanapo. Kope awirai kwinia pa vo pas vemona kwirai veka, Cha Taitus va skul-a naroiy aro bombiam vora nekepi rimo moike yah pasin neman-a nepao poiy aro ovu. Yah beya netoveiy aro ovu tah awirai-a niopakeu vai.