Taa,

Xesus Kristu yehtoponho tan wekatîmyas awya so.

Noro porin pen komo yosotî cokorî ka wekatîmyasî.

On wara tî xakn̂e Xesus porin pen komo yosotî.

Tapi pen yepamtho tî Mîk xakn̂e Xesus,

Abraaw pen yepamtho marha.

N̂examro pen yepamtho tî Mîk xakn̂e Xesus ha.

2 Taa,

pahxa tî xakn̂e Abraaw.

Noro mumutho tî xakn̂e hara,

Isake.

Noro mumutho tî xakn̂e hara,

Xako.

Noro mumutho takî tî xakn̂e hara,

Xuta.

Noro yakno komo marha tî xatken̂e hara.

3 Xuta mumutho komo takî tî xatken̂e hara Perexi,

Sera komo.

N̂examro nocwan tî xakn̂e Tamara.

Taa,

Perexi mumutho tî xakn̂e hara Eseron.

Noro mumutho tî xakn̂e hara Araw.

4 Noro mumutho tî xakn̂e hara Aminadabe.

Noro mumutho tî xakn̂e hara Naason.

Noro mumutho tî xakn̂e hara Sawmon.

5 Noro mumutho tî xakn̂e xa hara Boas.

Haabe tî xakn̂e Boas nocwan.

Boas mumutho tî xakn̂e hara Obece.

Noro nocwan tî xakn̂e Huce.

Obece mumutho tî xakn̂e hara Xese.

6 Noro mumutho tî xakn̂e hara Tapi.

Ixaw Yana komo kayaritomon tî mîk xakn̂e noro.

Taa,

Tapi mumutho takî tî xakn̂e hara Saromaw,

Urias pen cinho yenakan.

7 Saromaw mumutho tî xakn̂e hara Hoboaw.

Noro mumutho tî xakn̂e hara Abias.

Noro mumutho tî xakn̂e hara Asa.

8 Noro mumutho tî xakn̂e hara Xosapa.

Noro mumutho tî xakn̂e hara Xoraw.

Noro mumutho tî xakn̂e hara Usias.

9 Noro mumutho tî xakn̂e hara Xohtaw.

Noro mumutho tî xakn̂e hara Akas.

Noro mumutho tî xakn̂e hara Esekias.

10 Noro mumutho tî xakn̂e hara Manases.

Noro mumutho tî xakn̂e hara Amon.

Noro mumutho tî xakn̂e hara Xosias.

11 Noro mumutho komo tî xatken̂e hara Xekon̂ias,

akno komo ha.

Ixaw Yana komo yaar̂ataw Babiron̂a pona ero yimaw tî xatken̂e Xosias mumutho komo.

Ero wa tî xatken̂e.

12 Taa,

Babiron̂a po cexitaw so n̂epamyatken̂e hara tî yumumuthîrî kom hara.

Xekon̂ias mumutho tî xakn̂e hara Saraciew,

Noro mumutho tî xakn̂e hara Sorobabew.

13 Noro mumutho tî xakn̂e hara Abiuce.

Noro mumutho tî xakn̂e hara Eriakin.

Noro mumutho tî xakn̂e hara Aso.

14 Noro mumutho tî xakn̂e hara Sadoke.

Noro mumutho tî xakn̂e hara Akin̂i.

Noro mumutho tî xakn̂e xa hara Eriuce.

15 Noro mumutho tî xakn̂e hara Ereasa.

Noro mumutho tî xakn̂e hara Matan.

Noro mumutho tî xakn̂e hara Xako.

16 Noro mumutho tî xakn̂e hara Xose,

Maria yin̂o.

Xesus yon tî mîk xakn̂e Maria.

Kristu,

kacho rma Mîk xakn̂e Xesus.

Noro yon tî mîk xakn̂e Maria.

17 Ero wa tî xatken̂e Xesus porin pen komo.

14 me tî n̂ehretawnometken̂e Abraaw yepamtho komo Tapi pona roro.

Ero yinhîrî 14 me takî tî n̂ehretawnometken̂e xa hara Tapi pen poyerononho komo xa hara Babiron̂a pona totoponhîrî komo pona roro.

Ero yinhîrî takî tî 14 me xa hara n̂ehretawnometken̂e Babiron̂a pona toxapunhîrî poyerononho kom hara,

Kristu yewrutoponho pona roro ha.

Ero wa tî n̂ehretawnometken̂e.

18 Taa,

Xesus Kristu yewrutoponho tan wekatîmyas awya so.

Maria tî xakn̂e Xesus yon.

Xose pici men tî mîk xakn̂e,

ahsîn ha ka.

Pokonomekn̂e makî tî ka.

Ero wa exitaw,

tarke takî tî xakn̂e Maria.

Kir̂wanî ro Yekatî n̂iritho makî tî Mîk xakn̂e yîmxîkrî.

19 Taa,

tarke ehtopo yentache Xose ya Maria yahsî xera takî tî xakn̂e takîhsom me cexirî ke.

Maria yîhyapamnore xera tko tî xakn̂e.

Awahsîra wai ham okwe,

ka xe makî tî xakn̂e yîwya ro mak.

Ero wa tî n̂esehtînoyakn̂e Xose.

20 Ero wa esehtînoyataw on wara takî tî xakn̂e Xose,

Kporin komo yancun tî n̂een̂akn̂e twosoto.

On wara tî kekn̂e Xose ya,

Xose,

Tapi yepamtho amoro.

On wara wîîkes awya,

Erasîra esko.

Maria yahsîra wai ham okwe,

kahra esko.

Kir̂wanî ro Yekatî n̂iritho Mîk yîmxîkrî,

kekn̂e tî.

21 N̂ewruyasî tak amn̂e yîmrerî ciki.

Ewruche Xesus me tak osohtoko.

Kir̂wan̂he tîyanan komo n̂iir̂asî amn̂e.

Kicicme cehtopo komo pokono ro thakwa mîkyam.

Noro xa tak nakir̂wamesî.

Ero ke ero wa osohtoko,

kekn̂e tî.

Ero wa tî kekn̂e ancu Xose ya.

22 Taa,

ero yinhîrî ero wa takî tî n̂ewruyakn̂e Maria Kporin komo mtapotachonho yaw roro rma.

On wara tî kekn̂e Noro pahxa weronomano rin̂e penî mtari,

23 N̂etahsîyasî tak amn̂e wooxam iin̂omnî.

Kîîrî me cik n̂ewruyasî.

Noro tak nosohcexe Eman̂wew me,

kekn̂e tî.

Kakro so nasî Kaan,

kacho tî mîn,

Eman̂wew,

kacho.

24 Taa,

ero yinhîrî takî tî Xose pakekn̂e.

Kporin komo yancunî mtapotachonho takî tî n̂ewehcakn̂e.

Maria takî tî naar̂akn̂e tîmîn yaka cipici me.

25 Pokohra tko tî ka xakn̂e yîmrerî yewrutopo momokrî poko.

Ewruche takî tî Xesus me takî tî rikomo nosohcekn̂e.

Ero wa tî xakn̂e Xose.