On wara wîîkes awya so, Kporin komo poko ahwotacoko. Waano aacoko Noro n̂entarî, yaxan ha. Kir̂wan̂he Noro yehtopo pokono aacoko yînakir̂wamathîrî komo yesenmekîche.

2 Takîhton̂enhîrî komo poko nahwotacowpe Ixaw Yana komo. Tîkayaritomon komo poko nahwotacowpe Siaw pono komo.

3 Noro yosotî poko nahwotacowpe tmanîmtopo ke. Waano naacowpe yîn̂entarî maraka yakro, ahpa yakro marha.

4 Tawake xa nasî Kporin komo tîyanan komo poko. Ehcoyoponkan komo porokucesî akir̂wamacho ke.

5 Nahwotacowpe Kaan nakir̂wamatho komo kir̂wan̂he Kaan yehtopo poko. Tîkaman komo po rma n̂ewanomacowpe tahwore cexirî ke so.

6 Kir̂wan̂he xa Kaan nai ham okre, kacho naacowpe waano. Amorî komo yaw rma tko n̂expe kacipara imo ececokan.

7 Ero warai n̂expe amorî komo yaw mîk hak rowon pono pen komo poko cesepantome so, mîk hak maywen pen komo yîwîrîmachome.

8 Noro yipu kayaritomonînho pen komo n̂imicowpe kanawa mici warai ke. N̂examro yantoman̂enho pen komo n̂imicowpe pehu ke, kîhraknu mici ke.

9 Pahxa Kaan mewrekn̂e karita yaka, Twaihkaxmu xa mîkyam noro yipu komo, kacho. Ero yipu komo yemetanmekn̂e me Kporin komo n̂iir̂asî tînakir̂wamathîrî komo. Taa, Kporin komo poko ahwotacoko, wîîkesî. Ero wa mak wîîkesî awya so.