129
Waano On, Xerusaren Pona Tîtosom Komo Narîrî N̂etwîrîmacowpe Siaw Xatî Pîn Komo
1-2 On wara kacowpe Ixaw Yana komo, Emapona roro oyemetanmekyatken̂e xa ooxatî pîn komo. Mehxa ro omrenai ro rma oyemetanmekyatken̂e roro okwe. Oyopono me exihra ro makî tko xatken̂e ha.
3 Roowo pomotopo warai ke omkarî kararaketken̂e oko. Kaw roro omkarî pomon̂e wara xatken̂e oko.
4 Kicicme cehsom komo oyapomiyatken̂e okwe. Kir̂wan̂he rma tko nasî Kporin komo. Oyapomitoponho nawocetîkekn̂e okre.
5 On wara exi xe so wasî Siaw xatî pîn komo, tporohkaxi exi xe so wasî. Cehn̂axmu me marha exi xe so wasî.
6 Cuupu wara mak exi xe so wasî, mîîmo meretwo ciixapu wara. Iitono naawaiyasî por̂mamra ro mak. Ero wara exi xe so wasî.
7 Anarimaw puruma yepu yîhkocetaw mararî yosom pohra ro mak cuupu n̂iir̂asî, ahsîra ro mak nasî, awrutamira marha nasî. Pohra ro mak n̂iir̂asî. Ero wa exi xe so wasî Siaw xatî pîn komo.
8 On wara ka xera wasî noro yipu komo yari tîtosom komo, Kporin komo nakronomarî me awexi xe so wasî. Kporin komo yanan amna. Noro yakro amna nîmtapowasî awakronomacho komo poko, ka xera wasî yîwya so. Ero wa ka xera so wasî Siaw xatî pîn komo ya.