128
Waano On, Xerusaren Pona Tîtosom Komo Narîrî Kporin Komo Nakronomarî Me Taxe Twerî Kexitaw So Noro Poko
1 Kporin komo nakronomarî me naxe ahnoro Noro poko tweeno komo, Noro yehtopo yaw roro cehsom kom ha.
2 Ero wa awexitaw so anatîrî komo yeperîrî mahyaxe okre. Mekaricetken̂e cirirî poko ero yeperîrî mahyaxe ha. Tawake maxe okre, ehn̂an me marha maxe okre.
3 Uupa yatî wara marha nasî apici ceperkem wara, amîn yawno wara. Oripera xîkrî wara marha naxe amxîkrî komo anahrî komo yapon mamhokono wara.
4 Ero wa tpoko tweeno komo wakres okre Kporin komo.
5 Siaw poi awakronomacho komo yekpo xe wasî Kporin komo ya. Tahwore xa tak Xerusaren pono komo yehtopo yenî xe marha was awya so. Ero wa awexi xe so wasî miya roro awaitopo komo pona roro.
6 Pahkî awexi xe so marha wasî waipîra. Aparî komo yenî xe meero was awya so. Ahwokan me roro exi xe wasî Ixaw Yana komo. Ero wa exi xe so wasî.