127
Saromaw Wanorî On, Xerusaren Pona Tîtosom Komo Narîrî Kaan Mak Nasî Kîmxîkrî Komo Tîmn̂e Me, Akir̂waman̂e Me Marha
1 Mîîmo ciin̂e komo, on wara wîîkes awya so, amîn komo cirihra exitaw Kporin komo tohnaw ro mak amîn komo miir̂axe okwe. Waapa yekahton̂e komo, awya so wîîkes hara, ewto kurunpen̂e me exihra exitaw Kporin komo tohnaw ro mak yîwînkîra maxe waapa yenîrî poko.
2 Anarimaw na enmaporo mîpaketu awemyawno ciitome. Kosope marha na yîwînkîra matu rakatawro cehso ro. Ero wa na matu awetapickachome so anahrî komo yepetho me. Tohnaw ro makî tko ero wa metwînîkpormexe okwe. Kporin komo nîmrî rma mîn kîwîntopo okre, yiixe cehtopo komo ya yînîmrî ha.
3 Kporin komo nîmrî marha mîkyam kîmxîkrî komo. Wooxam ropotainonho komo naxe kepethîrî komo warai me.
4 Kar̂pamxan me kexitaw so ka kîmxîkrî komo n̂ewruyaxe. Ewruxapunhîrî komo amn̂e naxe waiwî wara, sowtatu yuhre wara.
5 Tawake ro mak taxe yaake exitaw so kemehnu warai yawno komo. Yîhyapamnî me taxe. Waaca potaw kîîxatî pîn komo yakro cesencexe. Ero wa taxe yaake exitaw kîmxîkrî komo.