125
Waano On, Xerusaren Pona Tîtosom Komo Narîrî Tîyanan Komo Mamton̂e Me Nasî Kporin Komo Yukurunpetome So
1 On wara naxe Kporin komo pona enîn̂e komo, Siaw Yîpîn wara naxe. Iitono ro mîn Siaw Yîpîn anana etakanî ro mak. Ero wa xa marha naxe Noro pona enîn̂e kom hara.
2 Xerusaren mamhoko nasî îîpî mko. Ero wa xa marha tîyanan komo mamhoko nasî Kporin komo yukurunpen̂e komo me. Oroto mamcesî, miya roro mamcesî anana tohnî me ro mak.
3 Kir̂wan komo rowon yahsîra naxe kicicme cehsom komo pahkîno me. Iitono komo yahsîyataw rma ketaw ha re, kicicme xa marha na n̂ehtîketu kir̂wanînhîrî kom hara okwe.
4 Kir̂wan komo akronomakî Apa, kir̂wan̂he cexi xatî kom ha.
5 On wara tko naxe cekumxem yaw tîtosom warai komo, kir̂wanînhîrî kom ha, Noro yipu komo n̂en̂epesî Kporin komo kicicitho pokono komo yakro rma. Ahwokan me tko exi xe so wasî Ixaw Yana komo reha. Ero wa exi xe so wasî.