124
Tapi Wanorî On, Xerusaren Pona Tîtosom Komo Narîrî Kporin Komo Makî Cma Kukurunpetken̂e So, Kacowpe Ixaw Yana Komo
1-2 On wara kacowpe Ixaw Yana komo, Kakronoman̂e me exihra exitaw ketaw ha re Kporin komo ahce wa na re cehcerî okwe. Kakronoman̂e me exihra exitaw ketaw ha re Kporin komo ahwora ro mak cehcerî ha re kwaparî komo mokyataw okwe.
3 Kpoko so etîrwonmekyataw so kermomcerî ha re okwe, waipîra rma kermomcerî ha re okwe.
4 Tuuna wara ro mak n̂ehcerî ha re kenorinokan̂e wara. Kahxi wara ro mak n̂ehcerî ha re kenorinokan̂e wara.
5 Kenorinokan̂e wara n̂ehcerî ha re tuuna wara, cehcoyoponkaxmu wara. Ero wara kiicerî ha re okwe kakronomara exitaw ketaw ha re Kporin komo.
6 Kir̂wan̂he xa nai ham okre Kporin komo, kapore nasî. Keskan̂e wara ro mak mokyataw so kwaparî komo Noro rma amna nukurunpekn̂e.
7 Ero ke tîhcetken̂e yîhyai so torowo wara. Anarimaw torowo n̂ecimyasî mîîye yaka. Mîîye pen yetawotoche ces hara torowo. Ero wara tîhcetken̂e kîwyam. Kwaparî komo kahsîra xatken̂e.
8 Kporin komo yosotî pona mak ceen̂axe kakronomachome so. Kaapu yakîhton̂enho Mîk, roowo yakîhton̂enho marha. Noro yipu yosotî pona ceen̂axe. Ero wa taxe.