123
Waano On, Xerusaren Pona Tîtosom Komo Narîrî Amna Pînîn Yaw Esko Apa, Kacho On
1 On wara wîîkes awya Apa kah yawno, apona xa ween̂asî.
2 Tantoman̂e pona xa n̂een̂asî anton, kîîrî. Ero wa xa marha nasî wooxam yanton hara, tantoman̂e pona marha n̂een̂asî wooxam pona. Ero wa xa marha Kporin komo pona ceen̂axe kîwyam hara kîpînîn yaw so Noro yehtome tak.
3 Amna pînîn yaw esko Apa, amna pînîn yaw xa tak esko. Tîwîrîyakacho ro mak amna n̂encesî okwe.
4 On wara naxe cehcoyoponkaxmu komo, amna poko n̂etaporexe ro mak. Amna nîwîrîyakexe xa tak ero wa cehsom komo. Ero ke amna pînîn yaw esko. Ero wa wîîkes awya Apa.