121
Waano On, Xerusaren Pona Tîtosom Komo Narîrî Kporin Komo Mak Nasî Kecehton̂e Me
1 Kakronoman̂e poko tan kîmtapowasî. Onok pona xa ween̂a oyakronoman̂e me? Îîpî pona katî ween̂a oyakronomacho? Ahn̂i xa katî mokya oyakronoman̂e?
2 Kporin komo xa nasî oyakronoman̂e me. Kaapu yakîhton̂enho Mîk, roowo yakîhton̂enho marha, noro xa oyakronomesî.
3 Ahtarî komo yecehton̂e Mîk sehrere kahra ro mak awehtome so. Awenîn̂e komo Mîk, yîwînkîra ro mak nasî awenîrî komo poko.
4 Yîwînkînî ro mak Mîk Ixaw Yana komo yenîn̂e, eewînkîra marha nasî.
5 Aweceton̂e komo Mîk Kporin komo. Awawarparen̂e komo marha Mîk. Apanaw nasî kaari n̂ixa apikara so ehtome kaamo.
6 Apikara so nasî kaamo katpanaw, nuun̂i marha aweper̂antora so nasî kosope hara.
7 Ahce na awepor̂ataw so awîrîmacho komo awececexe so Kporin komo. Aropotarî komo meero n̂ecehcesî.
8 Ahna so na awcetaw so akurunpexe so, en̂exa amokyataw so hara akurunpexe so hara. Oroto akurunpexe so, miya roro marha akurunpexe so apoko eponarononkan me ro mak. Ero wa akurunpexe so Kporin komo.