120
Waano On, Xerusaren Pona Tîtosom Komo Narîrî Cemarontaxmu Mera Ro Mak Ow Cirko Apa, Kacho On
1 On wara wîîkes awya so, on wara wîxakn̂e, oyesemetanmekyataw kîmtapowakn̂e Kporin komo yakro oyakronomacho poko. Omtapotarî n̂encekn̂e Noro.
2 On wara wîîkekn̂e yîwya, Apa, cemarontan me ro mak cirko omtarî picho. Tohnawno yekatîmn̂e pîn me ro mak cirko on̂uru, wîîkekn̂e yîwya.
3 On wara wîîkesî on̂uru ya rma, Cemarontaxmu ro mak amoro kica on̂uru. Ahce wa na apanare Kporin komo? wîîkesî on̂uru ya.
4 Waapa yuhre ke men apanaresî. Wehto roron ke marha apanaresî, simbru yepu roron ke xa awakn̂iyas oco.
5 Meseke pono thakwa mak ow okwe. Keta pono komo chewno marha ow okwe.
6 Pahkî ro mak was okwe tawake cexi xatî pîn komo chew ha.
7 Tawake oyexi xe cma re was owî reha opoyino komo poko. Akro so omtapowataw tko oyakro cetar̂ma xe mak tak naxe okwe. Ero wa naxe opoko okwe.