Tapi Wanorî On.

1 On wara kesî Kporin komo Oporin ya, Opanaka ka eremakî kaari n̂ixa. Iito makî ka esko aaxatî pîn komo yar̂macho mîtwo owya. Ahtarî yapon me ka wiir̂asî n̂examro pen, kesî Kporin komo yîwya.

2 On wara nasî Kporin komo apoko, awamoyin yenpon̂e me nasî. Kar̂pe awehtopo yenpotopo mîn awamoyin. Siaw nasî awewton. En̂exa rma antomano miir̂asî. Aaxatî pîn komo chew rma re masî. N̂examro meero tko mantomesî en̂exa Siaw poi.

3 Karitî me xa awesenpotopo me exitaw tak ayanan komo tak n̂etantomapexe awya tanme ro so rma. Enmayataw nasî cicakî cuupu poko. Ero yimaw tîtpakexe kar̂pe hara, kar̂pamxan wara hara. Ero wa mas Amoro, enmayatawno wara, kar̂pamxan wara. Kir̂wanî ro me awehtopo nasî aporokru me rma.

4 On wara kekn̂e Kporin komo awya, Kaan yaka cewomsom me ciiso tak masî towîhnî me ro mak. Mewkiseteke retawno me masî ero pokono me, kekn̂e. Yaaro xa ero wa kekn̂e, cehtopo rma n̂etahcakn̂e yaaro xa tîmtapotacho yîhtînomexpotopo me. Ero ke anarme kahra ro mak wa nasî.

5 Kporin komo nasî apanaw kaari n̂ixa. Yîrwonîmtopo me exitaw tak amn̂e kayaritomo pen komo tak nar̂mesî ro mak.

6 Mîn hak roowo pono komo kayaritomon n̂en̂ekesî. Yînwaikathîrî pen komo yokoputho n̂enmekyasî mer̂pora ro mak. Mer̂pono pîn komo waihkesî kayaritomo pen komo.

7 Noro reha tuuna n̂eer̂asî aporî, esama yakumyawno ha. Ero yerîrî ke tak nîhkanwasî. Ero wa nas amn̂e Oporin ha.