101
Tapi Wanorî On Kicicme Cehsom Komo Waihkesî Kaan Yohno Rma
1 Apa kah yawno, on wara wasî, kwanomesî tak kîpînîn yawno me awehtopo poko. Yaaro xa en̂ekano rin̂e me awehtopo poko marha kewanomesî. Kir̂wan̂he xa mai ham okre, wîîkes apoko waano ke.
2 Taa, oyehtopo poko kîmtapowas hara, on wara cma re wasî, takîhso mak oyexi xe wasî kicicme exihra ro makî. Ahcemaw xa ohyaka mîmokya? Kir̂wan̂he oyexi xe ro mak wasî ohyawno komo wero ro.
3 Ero pîntho poko mak epohkara wasî. Aaxatîmnokan̂e komo yehtopo xera ro mak wasî. Opoko etahsîra cma re nasî ehtopo kom ha.
4 Kaan yanwekn̂e me oyehtoponho wen̂epesî oropotai. Kicicitho poko oyehcamhoka xera ro mak wasî.
5 Anarimaw na en̂epa me tîmtapotaxmu wence. Tpoyino poko nîmtapowa kicicme kica. Noro yipu waihkes ow. Anarimaw anarî na nai tpoyino komo yopono me cesehtînosom yewke. Ow xa takîhsom anarî komo yopono ro makî, kan̂e me na nai tîropotaw. Noro yipu cirihra ro mak wasî omîtwono me.
6 Kaan pona enîn̂e komo xa ween̂asî omîtkoso ciisom me. Kicicme exihnî komo mak wahsîyasî oyanton komo me.
7 Ohyaw exihra ro mak nasî tohnaw cesenposom. Cemarontaxmu ahsîra ro mak wasî omaywen me.
8 Yohno rma kicicme cehsom komo waihkes ow. Kicicitho pokono komo wen̂epesî Kporin komo yewton poi. Ero wa ciino wiir̂as ow.