On wara wîîkes awya so roowo poko hakno komo ya, ahwotacoko amyamro ahnoro Kporin komo poko. Emtarakacoko ro makî tahwore.

2 Kporin komo ya etantomapocoko tahwore. Noro yaka esenmecoko awewanomarî komo me.

3 On ponaro xa ehcoko, Kaan xa Mîk Kporin komo, kacho ponaro. Yînakîtothîrî mak kîwyam. Kanme ro so mak etakîtora ro mak tîxatken̂e. Iyanan komo kîwyam. Iyoku warai marha kîwyam, Noro woskaran pono warai, kahn̂eru warai ha.

4 Kir̂wan̂he nai ham okre, karî me epatakacoko Noro yewton pona. Ero wa karî me etocoko yîhroron pona xa. Kir̂wan̂he xa mai ham okre, kacoko. Kir̂wan̂he nasî Noro yosotî, kacoko marha.

5 Kir̂wan Mîk Kporin komo. Kîpînîn yaw roro nasî miya roro yîtîhkan me ro mak. Yaarono xa mîn yîmtapotachonhîrî. Towîhnî me ro mak nasî miya roro ehretawnomaxapu komo meero exitaw amn̂e. Noro yipu Mîk Kporin komo.