On warai xa Mîk Kporin komo, kayaritomo xa Mîk ha. Kayaritomo me xa ehtopo nasî Noro ponon wara. Ahnorono yaw nasî poono yaw. Kar̂pe ehtopo nasî Noro yan̂apotun wara hara. On wara nasî roowo, apotmîkî ciiso xa nasî iitono ro me.

2 Pahxanînhîrî rma kayaritomo me mas Apa. Mehxanî ro mak Amoro etakîtonî ro.

3 Tîtpe exihra ro mak nasî tuuna imo mko Apa. N̂ewtunasî xa tak okwe. Yamarataka ken̂e marha nas okwe.

4 Tuuna imo yopono xa tko Mîk Kporin komo, karitî. Kah yawno Mîk ha tuuna yopono, mer̂pono pîn yopono, cetun̂em yopono ha. Yamarataka imo yopono marha Mîk, tuuna imo kwawno yopono.

5 Towîhnî me ro mak nas amtapotachonhîrî Apa, awehtoponhîrî yekatîmtopo ha. Kir̂wanî ro me awehtopo nas amîn porokutotopo wara, eroromerono me. Ero wa nasî.