Kore Mumuru Komo Wanorî On.

1 Tîmîn mapatan n̂iir̂akn̂e Kaan îh pona cekenî ro pona.

2 Siaw wacan metatan komo xe xa nasî Kporin komo. Xako yepamtho komo yewton komo xe rma re nasî. Siaw xe xa tko nasî ero yopo xa.

3 Kpohkan̂e ro me xa nas on ewto, kexe Kaanî mtapotarî yekatîmn̂e komo apoko, ewto poko. Kaan yewton xa amoro, kexe ero poko.

4 On wara kesî Kaan, Oponarono komo poko omtapowataw on wara wîîkesî poko so, Mîkro n̂ewruyakn̂e Haabe po. Mîkro n̂ewruyakn̂e Babiron̂a po hara. Mîkro n̂ewruyakn̂e Piristew komo chew hara. Mîkro n̂ewruyakn̂e Ciiru po hara, mîkro n̂ewruyakn̂e Eciopia po hara, wîîkesî.

5 Siaw poko omtapowataw reha on wara wîîkesî, Siaw po ewruxapu moso okre, mîkro marha iito ewruxapu okre. Kyopono ro rma nasî Siaw yecehton̂e me, wîîkesî, kesî Kaan.

6 Karita poko tooto komo yosotî mewresî Kporin komo. Siaw po ewruxapu komo xa nukuknomesî. Siaw po ewruxapu moso okre, kacho mewresî.

7 Siaw ponarono komo n̂ewanomexe amn̂e. On warai naar̂axe waano, Siaw, ahce na poko oyexitaw tahwore wasî aponaro oyexirî ke okre, kacho naar̂axe. Ero wa xa marha kexe raatî yorkan̂e kom hara. Ero wa waano naar̂axe.