Waano Yaan̂e N̂enîrî On Tapi Wanorî. Raatî Yakro Taasom On.

1 Apa, Kaan xa Amoro. Kîmtapowasî cma re awakro cerewre. Ero ke omtapotarî cma re mencesî.

2 Meye ro mak oyexitaw kîmtapowas awakro roowo yenatîtopo to oyexitaw rma. Awakro kîmtapowasî oyahwoketîketaw. On wara wîîkes awya, Ow arko Apa toopu yaka. Kaw xa nasî oyopo ro mak ero yaka ow arko, wîîkesî.

3 Amoro rma omîn warai me mîxakn̂e Apa, kawno wara, emacakanî ro wara. Ahyaka ketkurunpekn̂e roro.

4 On wara was Apa, amîn yaw cma re wasî eroromero. Awaporî makataka ketkurunpesî.

5 Omtapotarî tko mencekn̂e Apa, Ero yipu men wîmyas awya amn̂e, kacho owya mencekn̂e. Twerî awosotî yetacin̂e komo wakren̂e Amoro. Ero warai me oyexirî ke ow mîwakres okre.

6 Pahkî cirko kayaritomo waipîra. Mer̂pora cimn̂ipu cirko waipîn me esepamkaxapu komo yentome yîwya mer̂pora. Ero wicakî pahkî kayaritomo me noro cirko.

7 Eroromerono me noro cirko Kaan mîtwono me. Yîpînîn yaw awehtopo epamnoko. Yaarono marha entamexpoko yîwya amtapotarî. Ero warai komo rma nasî yukurun me.

8 Okurunpetaw tak kewanomesî miya roro kir̂wan̂he awehtopo poko xa. Omtapotachonho yaw roro rma tîmsom wîmyasî marha awya. Enmar̂atîxera wîmyasî. Ero wa wîmyasî.