Waano Yaan̂e N̂enîrî On, Raatî Yakro Taasom, Tîyorkaxmu Yakro. Tapi Ya Kpanatanmetopo On. Sau Yaka Tî Cetken̂e Sipe Pono Komo. Amna Chew N̂eseyamyasî Tapi, Ketken̂e Tî Yîwya. Ero Yimaw Mewrexapu On.

1 On wara wîîkes awya Apa, ow yukurunpeko awosoke oyexirî ke. Kar̂pe awehtopo ke kir̂wan me ow enpoko.

2 Omtapotarî cma re mences Apa. Kîmtapowas awakro, ero ke ow cma re mencesî.

3 Anarî yana komo oyar̂ma xe naxe okwe. Owaparî komo oyepor̂axe okwe owaikachome. Kaan ponarono pîn komo mîkyam kica.

4 Oyakronoman̂e rma Mîk Kaan. Oyeceton̂e Mîk Kporin komo.

5 Oyemetanmekn̂enho komo nar̂mesî. Yaarono me awexirî ke mak n̂examro pen waihkakî.

6 Ero yinhîrî oyanme ro mak tak wîmyas awya tîmsom. Awosotî poko kahwowas Apa, kir̂wan̂he exirî ke. Ero wa wasî apoko Apa.

7 On wara xakn̂e Kaan opoko, esemetanmekîra tak oriyakn̂e miya xe xa esemetanmexapunhîrî. Ooxatî pîn pen komo yîwîrîmachonho tak ween̂e. Ero wa ween̂e.