Tapi Wanorî On

1 Oper̂a yosom Mîk Kporin komo, oyosom xa. Ero ke esemetanmekîra ro mak wasî.

2 Kir̂wan pona oyar̂asî Noro cuh ken̂arî pona. Iina oyarîche tak ketîrapesî. Tuuna yecihtari marha oyar̂asî tîtîhno yecihtari.

3 Oyahwokache oyahwores hara. Kir̂wan̂he oyehtopo poko ohcamhokesî esama yaw oyan̂e wara. Ero wa oriyasî, Kaan yanan mîkro, kacho me oyexirî ke.

4 Anarimaw na awarpanawno wara wai. Owaitopo rma na nai pahnoke ro mak kopi. Ero yimaw rma tko oyakro masî. Awamoyin nasî oyereporen̂e me, oper̂a yanîmtopo marha nas awemyaw oyereporen̂e me.

5 Onahrî metakesî ooxatî pîn komo wero ro rma. Ow marha mîhkapes okre. Oparakwen nasî copoyi ro mak owakrecho ke, iyopo po ro mak.

6 On wara wîîkesî yaaro xa, owakresî roro Kporin komo, opînîn yaw roro marha nasî. Ero wa nasî opoko owaitopo pona roro. Ero ke yîmîn yawno me mak wasî miya roro. Ero wa wasî.