Waano Yaan̂e ro N̂enîrî on, Tapi Wanorî.

1 Apa kah yawno, on wara wîîkes awya, ahcemaw xa ow makronome? Eroromero katî opoko meponarononkai? Atî wicakî pahkî may awepatarî yenpora owya?

2 Pahkî erepora ro mak wasî oyesehtînoyataw. Enmar̂atîxera ahwora ro mak was okwe. Atî wicakî pahkî nai ooxatî pîn oyopono me okwe?

3 Apa kah yawno, Kaan xa Amoro, ponaro oyehtopo. Ero ke omtapotarî tak entakî. Oponaro tak esko. Owî cma re mîweipesî. Oweipora awexitaw kîwînîkyasî men okwe owaitopo me tak ha.

4 Owaipuche on wara tak kesî ooxatî pîn, Iyopo kr̂a wex ham okre, kes okwe. Tawake naxe oyemetanmekn̂e komo okwe oyepîrkache.

5 On wara tko wasî apoko Apa, Opînîn yaw awehtopo ponaro mak wasî. Ero ke kahwowasî amn̂e awya okurunpetopo poko.

6 On wara tak wîîkesî opoyino komo ya, Kewanomesî Kporin komo poko owakrerî ke yîwya, miya xe ro mak owakrerî ke ha. Ero wara wasî.