Tapi Wanorî On. Noro Pen Waihka Xe Xakn̂e Yumumuru Rma, Abisaraw. Ero ke N̂emahciyakn̂e. Ero Yimaw Mewrexapu On.

1 Apa kah yawno on wara wîîkes awya, mer̂pora ro mak naxe okwe oyemetanmekn̂e komo.

2 Opoko nîmtapowaxe kica. On wara kexe, Noro yukurunpera ro mak mexe wa nasî Kaan, kexe kica. Mer̂pora naxe ero wa kan̂e komo opoko.

3 Okurunpen̂e rma tko Amoro Apa oyecen̂an me ha. Poko oyahwotacho marha Amoro. Tuupe oyexitaw ow mîhkares hara okre.

4 Kporin komo yakro kîmtapowakn̂e, kar̂pe xa. Cekenî ro pono Mîkî Kporin komo îh pono. En̂exa rma oyeyukya.

5 Ero ke kir̂wan̂he ketakriyas owîntome. Kir̂wan̂he kpakes hara oyecetorî ke mak yîwya.

6 Ero ke marha erasîra wasî owaparî komo mokyataw rma. Anarimaw mer̂pora ro mak na mokyatu owaparî komo, 10.000 ha na. Owamcetu ha na. Noro yipu komo pona erasîra wasî.

7 On wara wîîkes awya Apa, Kaan xa Amoro, ponaro oyehtopo xa. Ero ke piiri cma re mawomyasî okurunpetome. Pahxa ka ooxatî pîn komo tak mewkatapai. Kaan ponarono pîn komo mîyokai kr̂a. Ero ke ero wa xa hara ow yukurunpeko oroto.

8 Kporin komo mak nasî kukurunpen̂e me. Tawake naxe ayanan komo Apa. Ero wa wîikes awya Apa.