1-2 Ero yinhîrî takî tî Biwtace nîmtapowakn̂e xa hara, Sui pono. On wara tî kekn̂e, Kaan xa nasî kosom komo me. Twerî xa cexpore nasî Noro poko. Noro rma n̂iir̂asî kah yawno komo cereporem me.

3 Yukuknomarî yopo ro mak naxe Noro sowtatun komo. Noro nkatparetho pîn exihra ro mak nasî.

4 Ero ke ahce wa thakwa re takîhso tai Kaan ya? Ahce wa thakwa re kicicitho ken̂ehra ro mak tai wooxam ropotainonho me ewruxapu.

5 Kweipon̂e pîn wara rma nasî nuun̂i yîwya. Kicicitho ken̂e rma nasî xir̂ko yîwya.

6 Soroso tasî kîw, tooto, kicicitho ken̂e xa taxe Kaan ya. Akrî warai mak kîwyam, kar̂wa warai xa. Ero wa xa taxe, kekn̂e tî. Ero wa tî kekn̂e Biwtace Xoo ya.