Taa, on wara tî xatken̂e Ixaw Yana yantoman̂e komo, Xerusaren pono me rma re xatken̂e n̂examro mak okwe. Ero ke men̂ekacho takî tî nar̂metken̂e iitono komo Xerusaren pona cesekenmaxmu komo men̂ekachome, Kaan yewton pona cesekenmaxmu kom ha. 10 ka nan̂ikyatken̂e tpoyino komo cewn̂e mak poyinonhîrî komo men̂ekachome. Ero yinhîrî 10 xa hara nanîkyatken̂e n̂examro poyinonhîrî xa hara men̂ekachome cewn̂e xa hara. Ero wara so men̂ekano n̂iir̂atken̂e mohtome so iina cesekenmaxmu komo Xerusaren ponan me. Men̂ekan komo reha tî xatken̂e anarî ewto po so rma.

2 Anarî komo reha tanmero so mak nîhtînoyatken̂e Xerusaren pona cesekenmacho komo. Ero ke on wara xatken̂e iyanan komo ero wara re yîhtînon̂e komo poko, nîmtapowatken̂e Kaan yakro n̂examro yakronomacho poko.

3-4 Cekenî ro po so tî xatken̂e anarî komo Xuta rowon pono po. Ero wa tî xatken̂e Ixaw Yana komo, Repita komo, Repita yanton komo, Saromaw pen yantonînho pen yepamtho komo, ero wa tî xatken̂e. Antomano rin̂e komo reha xatken̂e Xerusaren pono me. Xuta yepamtho komo marha tî xatken̂e Xerusaren pono me etpoi so mak. Iitono me marha tî xatken̂e Benxamin yepamtho poyino kom hara. Taa, on wara tî xakn̂e antomano rin̂e komo yosotî, Xerusaren pono komo yosotî, Xuta yepamtho komo yosot ha, Ataias, Usias tî xakn̂e noro yîîm, Sakarias ti xakn̂e noro yîîm, Amarias tî xakn̂e noro yîîm, Sepacias tî xakn̂e noro yîîm, Maararew tî xakn̂e n̂oro yîîm. Perese pen yepamtho tî mîkyam xatken̂e.

5 Maaseias marha tî xakn̂e Xerusaren pono me, Baruke mumuru ha. Kor-Ose tî mîk xakn̂e noro yîîm, Asaias tî xakn̂e noro yîîm, Ataias tî xakn̂e noro yîîm, Xoiaribe tî xakn̂e noro yîîm, Sakarias tî xakn̂e noro yîîm, Sironi ti xakn̂e noro yîîm.

6 Mer̂pora tî xatken̂e Perese yepamtho komo Xerusaren pono komo, 468 tî xatken̂e, kîrkomo komo kuknomacho mak ha, karitî komo kuknomacho ha. Ero wa tî xatken̂e Perese pen yepamtho komo.

7 On wara tî xakn̂e Benxamin yepamtho yantoman̂e komo yosotî, Saru, Mesuraw mumuru ha. Noro yîîm tî xakn̂e Xoece, noro yîîm tî xakn̂e Petaias, noro yîîm tî xakn̂e Koraias, noro yîîm tî xakn̂e Maaseias noro yîîm tî xakn̂e Iciew, noro yîîm tî xakn̂e Xesaias.

8 Taa, Saru yakrono tî xakn̂e Kabai, Sarai marha tî. N̂examro maywen komo tî xatken̂e 928.

9 Xoew tî xakn̂e n̂examro yantoman̂e, Sikri mumuru ha. Xuta tî xakn̂e Xoew ponan me hara antomano rin̂e me rma ha re. Senua mumuru mîk xakn̂e Xuta. Xerusaren pono komo yantoman̂e mîkyam xatken̂e.

10-11 Tîmsom pokono komo yosotî tan wetahcas hara, Xetaias, Xoiaribe mumuru mîk xakn̂e. Xakin marha, Seraias, Iwkias mumuru ha. Noro yîîm tî xakn̂e Mesuraw, noro yîîm tî xakn̂e Satoke noro yîîm tî xakn̂e Meraioce, noro yîîm tî xakn̂e Aitube. Tîmsom pokono komo yenîn̂e tî mîk xakn̂e Seraias.

12 Yaake xatken̂e n̂examro yanan komo, Kaan mîn yawno pokono komo, tî xatken̂e 822. Taa, iito marha xakn̂e Ataias, noro yîîm ti xakn̂e Xeroaw, noro yîîm tî xakn̂e Perarias, noro yîîm tî xakn̂e Ansi, noro yîîm tî xakn̂e Sakarias, noro yîîm tî xakn̂e Pasu, noro yîîm tî xakn̂e Mawkias.

13 Yaake xatken̂e n̂examro yanan komo 242. Tîyanan yantoman̂e komo tî mîkyam xatken̂e. Iito marha tî xakn̂e Amasai, Asarew mumuru, noro yîîm tî xakn̂e Asai, noro yîîm tî xakn̂e Mesiremoce, noro yîîm tî xakn̂e Ime.

14 Yaake marha tî xatken̂e n̂examro yanan komo 128. Karitî komo mîkyam xatken̂e. Sabiciew tî xakn̂e n̂examro yantoman̂e, Xetorin mumuru ha.

15-16 Iito marha xatken̂e Repita komo. N̂examro yantoman̂e komo tan wetahcasî, Semaias, Asube mumuru. Noro yîîm tî xakn̂e Asîrikaw, noro yîîm tî xakn̂e Asabias, noro yîîm tî xakn̂e Buni, noro yîîm tî xakn̂e Sabetai, Xosabace marha, Repita yantoman̂e komo mîkyam xatken̂e. Kaan mîn roron pono yenîn̂e komo tî mîkyam xatken̂e.

17 Iito marha xakn̂e Matanias, Mika mumuru. Noro yîîm tî xakn̂e Sabici, noro yîîm ti xakn̂e Asape. Waano yaan̂e tî mîk xakn̂e Matanias. Kaan yakro tîmtapotaxmu mîk xakn̂e, Kir̂wan̂he Kaan nai ham kachome tak. Noro ponan tî xakn̂e Bakbukias. Abita marha tî xakn̂e n̂examro yakrono me, Samua mumuru. Karaw tî mîk xakn̂e Samua yîîm, Xetutun tî mîk xakn̂e Karaw yîîm hara.

18 Yaake xatken̂e Repita komo Kaan yewton pono komo, 284 tî xatken̂e.

19 Yaake marha xatken̂e metata yenîn̂e komo. Asakî xakn̂e n̂examro yenîn̂e kom hara, Akube, Tawmon, ero wa xakn̂e n̂examro yantoman̂e komo. N̂examro yanan komo rma tî xatken̂e ero pokono me re. 172 mîkyam xatken̂e.

20 Anarî pono me tî xatken̂e anarî kom hara, Ixaw Yana komo, tîmsom pokono komo, Repita komo marha. Xuta rowon po so tî xatken̂e ewto po so. Takpaxi xatken̂e cekenî ro po so.

21 Opew pono me reha tî xatken̂e Repita yakronoman̂e komo. Asakî tî xatken̂e n̂examro yantoman̂e komo, Sia, Kispa, ero wara xatken̂e.

22 Usi tî xakn̂e Repita komo yenîn̂e me, Xerusaren pono komo yenîn̂e ha. Bani mumuru tî mîk xakn̂e. Noro yîîm tî xakn̂e Asabias, noro yîîm tî xakn̂e Matanias, noro yîîm tî xakn̂e Miika. N̂examro tî xatken̂e Asape yepamtho komo. Waano yaan̂e tî mîkyam xatken̂e Kaan mîn yaw.

23 N̂examro yepetho poko tî panatanmekno n̂iir̂akn̂e kayaritomo. Ero wicakî so puranta tîmcoko waano yaan̂e komo ya, kekn̂e tî. Ero ke ero wicakî so tî nîmyatken̂e enîn̂e komo yîwya so kaamo po roro.

24 Iito marha xakn̂e kayaritomo maywen, Ixaw Yana komo yenîn̂e ha, yîmtapotarî komo yentan̂e marha kayaritomo yanme. Petaias tî mîk xakn̂e Mesesabeew mumuru. Sera pen yepamtho mîk xakn̂e, Xuta mumutho pen yepamtho ha.

25 Anarî ewto po so xatken̂e anarî kom hara Xuta yepamtho komo. Kiriace-Ahba po xatken̂e, yîmîtwono po so marha, Tibon po marha xatken̂e, yîmîtwono po so marha, Xekabseew po marha, yîmîtwono po so marha.

26-30 On po so marha xatken̂e, Xesua po, Morata po, Bece-Perece po, Asa-Suaw po, Behseba po, ero mîtwono po so marha, Sikrake po, Mekona po, ero mîtwono po so marha, En-Himon po, Sora po, Xahmuce po, Sanoa po, Aturaw po, ero mîtwono po so marha, Rakis po, ero mîtwono po so marha woskara po, Asaka po, ero mîtwono po so marha. Behseba pona rorono po so xatken̂e, Inon yewkru pona rorono po so marha xatken̂e ewto po so. Ero wa xatken̂e Xuta yepamtho komo yewton yosotî.

31-35 On pona so tî n̂esekenmetken̂e Benxamin yepamtho kom hara, Xeba po, Mikmas po, Aia po, Betew po, ero mîtwono po so marha, Anatoce po, Nobe po, Ananias po, Aso po, Hama po, Xitain po, Atice po, Seboin po, Nebarace po, Roce po, Ono po, woskara po marha xatken̂e, ahce na yakîhton̂e komo yeken po ha. Ero po so xatken̂e Benxamin yepamtho komo.

36 On wara xatken̂e anarî komo, Repita komo, Xuta yepamtho komo chewnonho, Benxamîn yepamtho komo chewno me tak xatken̂e hara. Ero wara tî xatken̂e.